مـهـدك  يـا عبدالله ابروحي .... يالنايم ما بين  اجروحي روح أمـك يـولـيدي اتلوب....يا النايم ما بين  اجروحي عـبـدالله  يـا نـجـمـة سـحر كل سا تغيب و تبدي لـو  أدري ضـامـي تـنـذبح جان اعصرت لك  جبدي خـلـيـت  جـفـنـي ابـفـرقتك يترس دمع و يبّدي يـولـيـدي  مـا ظـل كـل أمل بس الصبر ظل  عندي يـبـني اطيوفك عشت اوياها .... أنسه الروح و ما  أنساها أصـبـر لـفـراقك جم دوب....يا النايم ما بين اجروحي والـدك  مـن عـنـدي خـذك و آنـه الشفت  جدامي يـطـلـب الـمـاي امـن العده و ايصيح طفلي  ضامي لـحـظـات لـن شـفـت السهم صابك و نحرك  دامي نـاديـت  يـبـنـي شـنـتـظـر مـن دنيتي و  ايامي ظليت أصرخ و أجري المدمع .... كل شي ايمر عالبال أتوقع بـس افـراقـك مـا محسوب....يا النايم ما بين  اجروحي عـبـدالله  جـم نـبـلـه الـدهـر بـمصيبتك  راواني مـا ادري شـنـهـو الـلـي حـصل بين الزمان و  بيني سـهـرانـه  عـيـنـي ويـه النجم ما لحظه نامت  عيني اشـمـا تـغـفـه عـيـنـي امن التعب آلامك اتصحيني و  بـسـهـم  الـصابك ما أدري متصوب نحرك لو نحري مـو  نـحـرك نحري المصيوب....يا النايم ما بين  اجروحي حـرقـتـنـي نـار امـصـيـبـتك و الدهر غير  حالي شـيـقـول قـلـب الـوالـده الـتـفقد ولدها  الغالي سـهـم الـقـطـع نـحـرك قـطع نحري و فجع دلالي عـالـمـهـد مـحـنـيـه اوقـفت و المهد منك خالي مـهـمـومه  و أصرخ آه يبني .... عذبني امصابك  عذبني عـطـشـان  اتموت اشمطلوب....يا النايم ما بين  اجروحي عـبـدالله يـبـنـي مـن شـفـت نحرك ذبيح  امخضب ظـلـيـت  الـنـار ابـمـهـج تلهب و تطفه و  تلهب مـحـتـاره أبـقـه اعـله الصبر لو أ جري دمعي و أنحب و الـسـهـم لـمـن صـوبـك قـبلك دليلي اتصوب اشـلون أقدر أصبر يوليدي .... و إنته الرايح من بين  ايدي خـلـيـت  الـدلال  ايذوب....يا النايم ما بين  اجروحي يـولـيـدي مـحـتـار الـفـكـر كل سا يمر  ابحسبه و اتـحـمـلـت مـن كـربـلـه جم نايبه و جم نكبه مـا  تـطـفـه نـار امـصـيـبتك وسط القلب ملتهبه آه يـبـنـي و آنـه اتـحـيـرت بـيـن الدهر و الغربه لـفـراقـك زادت حـسباتي .... عقبك ما تنشف دمعاتي و الـمـدمـع لجلك مسجوب....يا النايم ما بين  اجروحي