» قبل لا أبدي القصيدة اتعودت  » تتباهى بيك الناس .. يا مهدينا  » يمهدينه يمهدينه متى تظهر  » يمهدينه يمهدينه...بالأرواح ضحينه يمهدينه  » و لإسمِ عليٍ في أُذني  » موال لازم النهج الوصي  » قال أبو اليمه الولي  » صلوات على محمد و على آلِ محمد  » صلوا صلوا على الهادي محمد  » موال يمك أخذني الهوه  

  
  • أضف الموضوع


  • 22/05/2011م - 5:59 م | عدد القراء: 12400



    مـهجتي اعله الفرح هاليوم  صارت
    و  صور عن مولد أم الحسن  صارت
    ابـجمادي الثاني و العشرين  صارت
    ولادة فـاطـمـه الـزهره  الزجيه

    عـلـوم  الـزهره منهلنه و  لوراد
    ابـدجـرها  يحله  تسبيحي  ولوراد
    حـضـرنـه الحفلت المولد  ولوراد
    نـقـدمـهـا الـرسول الله  هديه

    شـمـس  للعصمه  و اتحفها  سماها
    سـمـت و الـخالق ابفضله سماها
    إسـمـهـا  فـاطمه و ربها  سماها
    و فـطـمت شيعتها من نار  السريه

    اتـروح  الروح  من جسمي  وردها
    الـفـرح هـالـيوم جاذبها وردها
    الـلـيـلـه  الدنيه فواحه  وردها
    تـفـوح ابـمـولد الزهره  الزجيه

    كـرامـة  فـاطـمه  الزهره  لبتها
    قـصـد جـبـريـل يخدمها لبتها
    تـهـانـي  الـلـيله أقدمها  لبتها
    و أبـارك زيـنـب بـأمها  الزجيه

    فـاطـم  يـا  فضل يوصل فضلها
    بـحـر بـالـعلم و التقوه  فضلها
    انـكـون  ابـساعة المحشر  فضلها
    نـجـاة إلـنـه مـن النار السريه

    الـيـحـبـنه اعطور للخوه شملنه
    خـدمـة  فـاطـمه الزهره  شملنه
    ابـفـضـلـها ان شاء يلتم  شملنه
    و نـحـيـي ابكربله حفل  الزجيه

    بـحـر  الـجود و الحكمه  فضلها
    و  كـل الـوادم اتـأمـن  فضلها
    أم الـحـسـن عـالـعالم  فضلها
    مـثـل  فـضـل النبي سيد  البريه

    الـلـيـله  اعله المحب نسّم  هوالج
    قـلـبـي  مـا هوه الغيرج هوالج
    كـلـمـا  يـملك الشيعي هوالج
    شـفـيـعـتنه  يا بنت سيد  البريه

    يـزهـره  هـلـه ابميلادج  يزهره
    و  نـورك  مـن بـده العالم يزهره
    تـغـيـبـي عن سمه الدنيه  يزهره
    إنـطـفـت  أنوراج  ابنور  الزجيه

    رضـعـنـه امن الزغر حبها  ولبناه
    عـلـو  سـبعه لدك ساسه  ولبناه
    الـبـتـول أُمنه و علي بانه  ولبناه
    حـسن  و  حسين حب ما ظن  تهيه

    ابـمـولـد فـاطمه الباري  حياها
    و  أفـضـل مـن حيه مريم  حياها
    ربـح  كـلـمن  الها الحفله حياها
    الـشـفـاعـه  اينولها  من الزجيه

    و  حـق مـن شرف الكعبه  وطاها
    عـلـي الـلي طلق الدنيه و  طاها
    الـلـيـله  انولدت الزهره  وطاها
    تـمـت فـرحـتـه ابهاي  المسيه



    موقع القصائد الولائية © 2004 - 2013