أضف الموضوع
فديتك ولدي
الشاعر هيثم سعّودي الكربلائي - 08/06/2009م - 7:59 م | عدد القراء: 3423
أولادي بـالـشـدّه اتـحرسك...او ما حسّبت دهري ايمسّك
إنـتـه الـضـحـيّـه...يـاويـلـي،،،يبن الزچيّه...ياويلي
* * *
اُم‌ّ الـبـنـيـن آنـه يـروح الـهادي...واولادي أبطال اربعه
كـل واحـد اشـتـلته غصن بفّادي...او من‌ّ الگلب متفرّعه
شـجـرة مـجـد وانـته أصل أمجادي...وانته الوفاء او منبعه
مـن حـيـدره اتـغدَّوْا عزم أولادي...وآنه الودادك مرضعه
أرضـع او غـذّيـهـم حـبّـك...واذخرهم اشموع الدربك
بـالـغـاضـريّـه...يـاويـلـي،،،يـبـن الزچيّه...ياويلي
* * *
آنـه الـوفـيّـه وارد اُوفـي الاُمّك...يبني أرد أوفّي الفاطمه
وادري الـوفـه مـو بس أردّد اءسمك...وابگه ابطيوفك هايمه
حـرّاس اءلـك أولادي تـحرس يمّك...لو گرب يوم الملحمه
مـو تـنـطي دمها حين ينزف دمّك...لا يبني‌من تشكي الضمه
جـمـر الـعـطـش چيـف ايـضرّك...واربع ينابيع ابكترك
نـبـع الـحـمـيّـه...يـاويـلـي،،،يبن الزچيّه...ياويلي
* * *
أربـع يـنـابـيـع او اءلـك وفّايه...تنضح عزيمه او مرجله
او نـبـع الـوفـه مـيجف يغالي مايه...لو چان حيدر منهله
أولادي كـتـبـت هـالـعهد ويّايه...توگفلك ابطف كربله
والـتـفـتـديك وعدها هاي الغايه...شخصك بعد من يوصله
مـنـهـو الـذي يـوصـل حـدّك‌واشبولي مصفوفه ابسدّك
مـتـعـزّ عـلـيّـه...يـاويـلـي،،،يـبن الزچيّه...ياويلي
* * *
مـا عـز عـلـيـك أولادي وانته الغالي...ما عز بنيني الاربعه
كـلـشـي الـعليهم يجري يتراوالي...او كلشي چنت متوقّعه
أدري تـضـحّـيـلك يسوري العالي...او تصبح جثثها اموزّعه
لاچن أبـد مـا لـحـظـه مرّ ابّالي...جسمك يطيح ابمصرعه
ضـحّـيـت اءلـك وآنـه امقصره...بيش اعتذر امن الزهره
فـوگ الـوطـيّـه...يـاويـلـي،،،يـبن الزچيّه...ياويلي
* * *
بـيـش اعـتـذر لـلطاهره المعصومه...او بعد اشتفيد المعذره
گالـولـي ولـدچ گوّضـوا بالحومه...او طاحو جثث متوذّره
گلـتـلـهـم اعله احسين أنه مالومه...گولولي بحسين اشجره
گالـوا وگع عـلـغبره يا مهمومه...او حزّوا وريده او منحره
گلـت ارخـصـت كـل‌ّ اولادي...او ظنّي يظل شبل الهادي
رحـت‌امـن‌اديّـه...يـاويـلـي،،،يـبـن الزچيّه...ياويلي
* * *
أربـعـه انـطيتك يا عزيز الزهره...او ما چنت أحسّب تنچتل
ضـحّـوا اءلـك يبني او چنت متصوره...تبگه يبواليمّه عدل
ويـلـي صدگ جسمك وذر عالغبره...ويلي اذبحوا حتّه الطفل
يـاريـت ابـن عـبّـاس حـزّوا نحره...ياريته مذبوح الفضل
ريـت الـفـضـل چان ابّـيـدك...يتصوّب ابسهم اوليدك
لابـنـك هـديّـه...يـاويـلـي،،،يـبـن الزچيّه...ياويلي
* * *
لابنك هديّه عمري واهلي او ولدي...او بعدك شلي ابّاقي العمر
ريـت الاجـل حـاديّـه بـيّـه يحدي...يلذكرك ابعيني جمر
رحـت امـن اديّـه يلرحت من‌ّ ايدي...لاحفرلك ابگلبي گبر
مـفـجوعه بيك او دمعي يحفر خدّي...او للباري سلّمت الامر
الـفگد الـولـد مـا مـفجوعه...عالسحگت الخيل اضلوعه
نـاري سـريّـه...يـاويـلـي،،،يـبـن الـزچيّه...ياويلي |
(1987)
|
