إنطيتك عهد...ما عوفك أبد

ما عوفك أبد...ما عوفك أبد

حبك يبو اليمه شرف و أفدي له عمري...مالكني إنت من الزغر وي دمي تجري

هذا النحر يرخص إلك ما يغله نحري...و الما دره إنعلمه العشق و اليدري يدري

مثلك منوجد...ما عوفك أبد

يا غالي و أغله من العمر يرخص له دمي...إسمك أبد ما ينسه لو أنسه إسمي

أستغني عن كل البشر لو إنت يمي...أول رضاعه إمحبتك رضعتني أمي

قلت لك بالمهد...ما عوفك أبد

هذا العشق بيه معجزه لتقلي صدفه...يا بو الشرف حته الشرف إسمك يشرفه

و الما يحبك لا يحب أصله نعرفه...جم طاغي من صحنه علي كسرنه أنفه

إنت المعتقد...ما عوفك أبد

معروفه حب المرتضه يعني محبتك...يوميه يكبر هالعشق يالما هجرتك

واحد يبو الأكبر نعم بس ما حسبتك...يا واحد إعليك و فقط تقبل قسمتك

واحد من أحد...ما عوفك أبد

علمني حبك للشرف ترخص حياتي...ما دنقت راسي أبد بس إبصلاتي

عايش أنادي يا علي حته بمماتي...إنت السفينه الواسعه و بيها نجاتي

يا دين و عمد...ما عوفك أبد

منعونه من إزيارتك لكن مشينه...كل خطوه يا علي زوار إجينه

وين المنعنه خل يجي و يسمع حجينه...إحنه البقينه وي علي بس هو وينه

ما يرجع بعد...ما عوفك أبد