يـا شـيـعـتـي يـم الجسر... يم الجسر  تانوني أمـنـيـتي  جانت بالعمر ... شيعة علي  إيشيعوني إشـكـثـر  مـشـتـاق  أجالسكم و لو  ساعه لـجـن  يـا حيف ... صارت طيف...  هالساعه كـل  هالمده  عشنه إبشده و جانت سلوتنه  الآمال إشـقـد  إحلمنه بينه الدنيه تتحول من حال الحال إشـقـد  تـانينه و إتمنينه و قبلك تاخذنه  الآجال كل شي إحسبنه لاجن فقدك ما جان إيمر اعله البال مـنظر نعشك حيل إصدمنه تالي إيشيعك جم  حمّال نـعـشك  لازم  من يتشيع برموش أحبابك ينشال حـسـبـنـه  إحـسـاب من سجنك ترد  سالم أمـلـنـه  خـاب ... بـدرك غاب...  يالكاظم يـا  شيعتي صدر إبصدر ... صدر إبصدر حضنوني أمـنـيـتي  جانت بالعمر ... شيعة علي  إيشيعوني أمـنـيـتـي جـانـت بـالـعـمـر  شـيعة مـتـوقـعنه  متصورنه اتعوف الشيعه ابلايا  إوداع حسبنه  إنشوفك و إنقبل موضع جذمك فوق  القاع حـسبنه  إبلهفتنه  إنحضنك ما حسبنه إتروح  بساع نـعشك صدعنه و روعنه و غيّر باللحظه  الأوضاع خـانـت  دنيانه إبتاليها و ظل مركبنه إبغير  إشراع دنـيـانه  إبلاياك  إشتنفع تاج الراس إبفقدك  ضاع يـشـيـعـتـنـه  الـصـبـر مريود  أرجاكم تـلـقـونـي ... إحـمـلـونـي... اعله يمناكم إتـعـرفـونـي مـنكم شنتظر ... منتظر تتلقوني أمـنـيـتي  جانت بالعمر ... شيعة علي  إيشيعوني حـيـن إصـبـرنـه و إتنطرنه اليوم الفرج  تانينه عـام إيـجـر عـام ابـهـالمحنه و تانينه ما  ملينه غـايـب  قـلنه  و لازم ترجع و الشوفتك  حنينه إتـعـنـينه الملقاك إبسرعه و يا بو الرضه  إشتاقينه إتـرقـبنه  إبكل  لحظه إنشاهد وجهك يطل  إعلينه نـعـشـك  لاح بأفجع صوره و إبشوفته  إنهارينه لـتـبـجـون  إعـلـه  نـعشي إبدمعه  سجابه دمـوع الـعـيـن... بـس لحسين ... و امصابه عمري  إنقضه  بآه و صبر ... و الدمعه إبين  إجفوني أمـنـيـتي  جانت بالعمر ... شيعة علي  إيشيعوني سـجني و صبري و كل آلامي جانت لجلكم  كلها إقـضـيت إسنيني إبهالزنزانة و هالزنزانة  إشيحملها لـجل إذنوب الشيعه إدموعي دوم آنه جنت  أهملها مـا  ريـد  الـبـاري الـوقفتكم بالمحشر  إيطولها بـالـشـدات  إويـانه إوقفتوا الشدتكم  إنسهلها الـشـيعتنه  إبساعات  المحشر و رغم العده  إنجللها و حـق دمـعـتـكـم الـهـلـت عله إمصابي الـخـطـر مـا يـدنـه مـن يـمكم يا أحبابي و بـالـمـحـشـر إبعيد الخطر... ما دام وافيتوني أوصـف  إلـكم  حالة سجني و السندي شمراويني أذكـر  قـنـفذ من يجلدني و يتعاله صوت  إونيني إمـصـاب  الزهره ما فارقني صوره إرسمتها  ابعيني هـالـمـحـنـه نـستني إهمومي هالمحنه التبجيني و  بـأيـدي  الـقـيد إشما يثقل هم القلب يلفيني أتـذكـر  حـيـدر متجتف و بس همي  اليتجيني عـلـي الـكـرار صـوب قـلـبـي  بـالآمه صـفـت  أيـامـي صـوره تـشـبـه  أيـامه