على الموعد اجيت الكم اجيت الكم على الموعد
برسايلكم طلبتــــــــوني عليمن وحدي عفتوني
اجيت الكم على الموعد
* * *
نستعـــــــرض الحال بالأفكار ونراقب
موقـــــف المظلوم وگف بين الكتايب
ناداهـــــــم ابصوت أناشدكم واخاطب
اعليمن يهـــــالناس تريدون الحرايب
أناشدكم وأريد اسأل أريد أسأل واناشــــدكم
عهد للبيعه جبتوني عليمن وحدي عفتوني
اجيت الكم على الموعد
* * *
ابعثتوا المراسيل تريـــــــدوني اجيكم
لمن تعنيت وجيت ابظعــــــــني ليــكم
لن شفت معكوس طلع مصدر حچيكم
هاي المواثيق صفت حـــجه عليــــكم
ضما يركم وسف ما تت وسف ماتت ضمايـركم
ابعهدكم ما وفيتونــــــي عليمن وحدي عفتوني
اجيت الكم على الموعد
* * *
يا من تريدون خديعه وغـــــــدر بينه
خل أرجع ردود وأرد لـــرض المدينة
عايله واطفال جبت ويــــــــه الظعينه
اعليمن تشنون حرايبــــــــكم عـــلينه
مواقفكم تألمـــــني تألمــــــــني مواقـــفكم
ارد بعيالي خلوني عليمن وحدي عفتوني
اجيت الكم على الموعد
* * *
يا وسفه يا ناس تغركم هالمطامع
باچر التاريخ يسجل هالوقـــــــايع
لعنة المعبود تصير اعله المخادع
بالجهل چم دوب تسدون المسامع
الشيم ضاعت ألف وسفه ألف وسفه الشيم ضاعت
أنادي وما تسمعـــــــوني عــــليمن وحدي عفتوني
اجيت الكم على الموعد
* * *
هالنسب معروف نسب والهادي مصدر
جدي المختار وابويه الفــــــــــتح خيبر
گالوله ثارات بدر عـــــــدنه اويه حيدر
ودمكم بهاليوم صبح مطـــــلب العسكر
تبايعنه تمد چــــفك تمد چـفك تبايعــــــــنه
يگلهم لا تجبروني عليمن وحدي عفتوني
اجيت الكم على الموعد
* * *
اشما بده المظلوم عــلى الوادم عتابه
برميات السهام يــــــــردوله جوابـــه
بعين الأجل شاف صور عالم مصـابه
قدم الأولاد واخوتـــــــه والصحابــــة
شهادتهم حلت الهــــم حلت الهم شهادتــــهم
هتف يا من دعيتوني عليمن وحدي عفتوني
أجيت الكم على الموعد
* * *
اشما بده المظلوم عــلى الوادم عتابه
برميات السهام يردولــــــــه جـــوابه
بعين الأجل شاف صور عـالم مصابه
قدم الأولاد واخوتـــه والصحــــــــابة
شهادتهم حلت الـــهم حلت الهم شهـــــادتهم
هتف يا من دعيتوني عليمن وحدي عفتوني
أجيت الكم على الموعد
* * *
ينظر الأنصار صريعة وگلــــــبه هايم
وأعله النهر طاح جسد بـدر الهواشم
وبجانبه يشوف علي الأكـــبر وجاسم
وحسين محتار يفــــكر بالفــــــــواطم
يسلبوها ويفجعــــــوها يفجعوها ويسلــــبوها
يصيح اشتنظر عيوني عليمن وحدي عفتوني
أجيت الكم على الموعد
* * *
ودع الأطفال والعــــــــيال الغـــــريبة
واتعنه للموت يجر ثقل المصيــــــــبه
صوت الأجل صاح يمن جثتك سلــيبه
خدر الحرم راح بعد منهو اليجيـــــبه
عقيلتكم تناديـــــــكم تناديكم عــــقيلـــــــتكم
يمن للطف كفلتوني عليمن وحدي عفتوني
أجيت الكم على الموعد
* * *
بت فاطمة تصيح يمن عالغبره دمـكم
دهمتنه هالخيل اجت سحگت حرمـكم
والنار والنار خذت خدري وخيمــــكم
لوبيدي يكرام اگضي اسنيني يمـــــكم
انفجع گلبي انهدم حيلي انهدم حيلي انفجع گلبي
أصيحن يالفجعتونــــــي عليمن وحدي عــفتوني
أجيت الكم على الموعد
* * *
