» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • يا شفيعنا
    الشاعر الأديب جابر الكاظمي - 12/03/2009م - 4:18 م | عدد القراء: 3168



    عالعهد يا مظلوم نمشي اعله دربك          ما ننسه حبك

    يا شفيع الناس بـــــيك اقتديــــــــنه          عاهدناك ماننساك

    * * *

    من نـــــــشأة التكوين بيك اعترفنه          حبك شرفنه

    بالنفس بالأرواح بالــــــــدم هتفــنه          حبك شرفنه

    بسمك الاه الكون تمـم وصفــــــــنه          حبك شرفنه

    يا منار الدين لـــــــيك اهتــــــــدينه          عاهدناك ما ننساك

    * * *

    من عالم الأرواح ثــــــــابت عهدنه          بيك اعتقدنه

    لو ناشدونه الناس عــــــن معتقدنه          بيك اعتقدنه

    وبصفحة الأعمال حــــــــبك سندنه          بيك اعتقدنه

    يا وجود الكون لـــيك انتمـــــــــينه          عاهدناك ما ننساك

    * * *

    بصوت العدل يحســين تسمع ندانه          حبك اويانه

    من عالم الأصلاب واضــــــح ولانه          حبك اويانه

    وگبل الرضاعة چان يمشي ابدمانه          حبك اويانه

    من الأزل وياك عـشنه وربــــــــينه          عاهدناك ما ننساك

    * * *

    بســــمك لهجنه وصــار حبك أملنه          بيك أتصلنه

    وبمأتمك كل عام نجــــــــمع شملنه          بيك أتصلنه

    ما ننحرف يحسين صادق عــــملنه          بيك أتصلنه

    يا فخرنه آوياك سرنه ومشيـــــــنه          عاهدناك ما ننساك

    * * *

    كلمن يذب خطوات عنك بعــــــــيده          محد يفيده

    والثعلب اشما راد يحفر مكــــــــيدة          محد يفيده

    واللي ترك مسراك ساقط رصــــيده          محد يفيده

    يا عمود الدين عالعـــهد جيــــــــنه          عاهدناك ما ننساك

    * * *

    صح المثل يحسين كلـــــــمن وذاته          تعرف صفاته

    طيب الأصل معروف مــن مكرماته          تعرف صفاته

    والخالفك خسران دينه وحـــــــياته          تعرف صفاته

    يا عظيم الشــان يمـــك هويــــــــنه          عاهدناك ما ننساك

    * * *

    يالوضحت للنــــاس معـنى السعادة          بزود وإراده

    صافحت يا مظلوم چف الشهـــــاده          بزود وإراده

    يالثبتت للدين نهجـــه ورشــــــــاده          بزود وإراده

    والمهج يحسين لجــــــــلك حــزينه          عاهدناك ما ننساك

    * * *

    حزنك ثبت بحشاي وبدمعي يظــهر          بالگلب أثّر

    فاض بحزن ينبوع جفني وتفــــجر          بالگلب أثّر

    مشعل سنا الآهات هاج وتوجــــــر          بالگلب أثّر

    مصابك المحتوم يصعب عــــــــلينه          عاهدناك ما ننساك

    * * *


    (طهران 1989 م)

    موقع القصائد الولائية © 2004 - 2013