» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر حسام الحمزاوي
    18/10/2018م - 10:47 م | عدد القراء: 4419

    ملا باسم الكربلائي


    ما رايده الماي ردتك عالرمح...يا ظهر الحسين يا وجه الصبح

    لعيونج الطف أعقده بأكمله...قالها إلها تبقين يختي امدلـله
    اتگله يعباس قدام المله...گمر دشوفك شايل كربله
    و اتگله ماريد وياهم صلح...يا ظهر يا وجه الحسين يا وجه الصبح

    يالتنطي للناس من اسمك دوه...هاك إخذ العيون خل نوگع سوه
    گلها القگمر صار يا أخت الهوه...للمشرعه بسيف أمشي ابلا ضوه
    الما ينصر حسين ما ريده ربح...يا ظهر يا وجه الحسين يا وجه الصبح

    دگ صدره عباس بشري زينبي...لعيون الحسين و اعيون النبي
    اتگله أفتخر بيك يا ظهر العِبي...ضحي بالجفوف و أقبل بالسبي
    ازعل يعباس ما ريدك سمح...يا ظهر يا وجه الحسين يا وجه الصبح

    گالت له لتخاف أگدر عالسهر...اشگد عندك اجفوف ذبهن عالنحر
    گال إلها عباس ابشري ابلا قدر...هدني الجفوف حدهن للنهر
    يتخلد الراح لحسين بذبح...يا ظهر يا وجه الحسين يا وجه الصبح

    عباس من راح خَضار بگصته...من غيرته الگاع كلها حبته
    الخلاهم أطفال ساعة رحلته...يعگوب يعگوب تانوا جربته
    حته البلگماط عالخوه يلح...يا ظهر يا وجه الحسين يا وجه الصبح

    هد هدت النار من تجوي الگرص...من صاروا احبال راح الهم مگص
    شارط عله السيف يختار الگصص...حته النهر خاف من شافه نگص
    و الكاتب يطيح بيده ينمسح...يا ظهر يا وجه الحسين يا وجه الصبح

    زينب و الحسين صاحو و النعم...شافو گمرهم بهدومه النجم
    يتبسم حسين بمشراد الزلم...كلما عدو ايطيح زينب تبتسم
    و اتگول عباس للخوه صرح...يا ظهر يا وجه الحسين يا وجه الصبح

    هيبه و عله الگوم تشهد له العرب...من ريشته انشاف ما دنگ شرب
    من يزعل ايصير بنفاس الغضب...جن فرة الميل يفتر عالرگب
    بالحرب عباس يبدي امن الملح...يا ظهر يا وجه الحسين يا وجه الصبح



    موقع القصائد الولائية © 2004 - 2013