» المجالس الفاطمية-المجلس العاشر  » المجالس الفاطمية-المجلس التاسع  » المجالس الفاطمية-المجلس الثامن  » المجالس الفاطمية-المجلس السابع  » المجالس الفاطمية-المجلس السادس  » المجالس الفاطمية-المجلس الخامس  » المجالس الفاطمية-المجلس الرابع  » المجالس الفاطمية - المجلس الثالث  » المجالس الفاطمية:المجلس الثاني  » المجالس الفاطمية-المجلس الأول  

  
  • أضف الموضوع


  • الشاعر محمد العقابي
    12/10/2018م - 12:49 ص | عدد القراء: 499

    ملا باسم الكربلائي


    روحي و انت باقي ببالي...الغالي ما يتعوض الا بغالي

    اعيوني ذبلت بويه أريد اتضمني بين اعيونك...تدري بيه آنا الحبيبه العايشه اعله اظنونك
    بويه مشتاقه لك آنا بقد ملامح لونك...لا تقلي اشلونج انتي المهم انت اشلونك
    سهّرتني و حالي يبجي الحالي...الغالي ما يتعوض الا بغالي
     
    ضربوا احساسك يبويه الوطن ضم أحبابك...يكسر الخاطر يغالي بالعيون اغيابك
    بويه غطيني بحنانك أرد أشم اترابك...يالعطشتك من عفتني و الهوه ما جابك
    راسك العالي الرمح مو عالي...الغالي ما يتعوض الا بغالي

    ما كو حضنك وين أضمك يالحبيب إحساسي...بويه و اغيابك جرحني يوشل بأنفاسي
    انطيني جفك بيه محنه و خله يمسح راسي...يا حبيبي و مالي غيرك و انتأعز كل ناسي
    ظلت الدمعه اعله خدي اتلالي...الغالي ما يتعوض الا بغالي

    يا دفو ابنيتك وحق اروحيتي المسبيه...بويه كل اجروح جسمك ريت صارن بيه
    و الله دنيه اخلاف عينك ماتت الحنيه...تدري من أذكر اصبعك يوجعن ايديه
    وين ما أمشي التعب يبرالي...الغالي ما يتعوض الا بغالي

    غربت و افراق وجهك أخذ شوف اعيوني...ليش بعدك من أنامن يوجعني امتوني
    أرد أشم نحرك و أموتن عالنحر يلقوني...آخ و اليهضمني يمك خاف ميدفنوني
    كلشي بعدك بويه ما يحلالي...الغالي ما يتعوض الا بغالي

    حيرتني امنين أشبقك و الجروح ابكل مكان...دورت بويه اعله قدي صبر بس الموت حان
    من شفت نحرك بجيت و چني ميته من زمان...غير انت الدنيه كلها و من رحت راح الأمان
    بكل مكان الموت يتراوالي...الغالي ما يتعوض الا بغالي



    موقع القصائد الولائية © 2004 - 2013