» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر علي الخفاجي
    24/09/2018م - 7:41 م | عدد القراء: 1006

    مرقد الامام الحسين (ع)


    يا من الجدك سميه...هذا يومك يا علي
    فرق اجيوش آل أميه...هذا يومك يا علي
    هاي خيبر بالطفوف...خلي عدوانك تشوف

    يا شبيه المصطفه الهادي الرسول...هذا يومك يا علي
    يا حفيد المرتضه فحل الفحول...هذا يومك يا علي
    هاي حرب البيها تنتظرك تجول...هذا يومك يا علي
    يا علي الأكبر اشرايك وشتقول...هذا يومك يا علي
    راوي زودك للألوف...خلي عدوانك تشوف

    قوم شد حيلك يبن ليث الحرب...هذا يومك يا علي
    كور الجنحين دبها اعله القلب...هذا يومك يا علي
    و غير درب الشردة لتخلي درب...هذا يومك يا علي
    و ما أظن اعليك هالمطلب صعب...هذا يومك يا علي
    و من تلاقيك السيوف...خلي عدوانك تشوف

    قوم يالأكبر و زودك قدّمه...هذا يومك يا علي
    و خل يذكرون البطل حامي الحمه...هذا يومك يا علي
    و نزل اعليهم بلاء من السمه...هذا يومك يا علي
    و خيلهم خل تروي من سيل الدمه...هذا يومك يا علي
    اسقيهم بكأس الحتوف...خلي عدوانك تشوف

    صير للأجيال يالأكبر مثال...هذا يومك يا علي
    و علم الشيعة عله افنون القتال...هذا يومك يا علي
    ارجال عدنه بالوفه نعم الرجال...هذا يومك يا علي
    و هالشعار اترفعه لو صار النزال...هذا يومك يا علي
    و لمن اتوحد الصفوف...خلي عدوانك تشوف

    الكربله من تعتني جانت تصيح...هذا يومك يا علي
    حته المخضب بدمه من يطيح...هذا يومك يا علي
    يقول هذا اليظل منهجنه الصحيح...هذا يومك يا علي
    كل هدفنه نوصل القبر الذبيح...هذا يومك يا علي
    سيدي بقبرك نطوف...خلي عدوانك تشوف  



    موقع القصائد الولائية © 2004 - 2013