» يا محله الموت...بإسم حسين و عنوانه  » نموت احنه...ولا محنه...عليك انشوف  » هوسات في رثاء الإمام الحسين عليه السلام  » يا من الجدك سميه...هذا يومك يا علي  » دمنه واحد...و ما يقبل القسمه على اثنين  » عاشت ايمينك يسبع القنطرة  » نازل بسيفي...و بكيفي...يا طف كربلاء  » حته لو ما عندك اجفوف...يخويه انريدك  » راعي الجود...يمته ايعود...اتنادي العيله يا عباس  » انت اكفلتنه و نار العطش...جودك يطفيها  

  
  • أضف الموضوع


  • الشاعر مصطفى العيساوي
    06/02/2018م - 11:43 م | عدد القراء: 612

    فاطمة الزهراء عليها السلام


    سولف إلها...زينب اتغير شكلها...سولف إلها
    سولف إلها...خل ترد وياك قلها...سولف إلها
    نامت اعيون البشر...و آنا أقضي ليلي بسهر
    سولف إلها...سولف إلها

    بويه نيتك راشده...اتعنه قبر الوالده...هاك دمعي و اعتنيها
    قلها هاي أوصافها...سولف إلها امصابها...و الله ظل بالي عليها
    أدري هسه اتاني...تسأل اعله اخواني...للعرش يوصل بجيها
    هاك إخذ دمعاتي طشهن عالتراب
    عمري خمس اسنين و يبّجيني باب
    ما عشتها...الفرحه وي أمي شفتها...ما عشتها
    ما عشتها...الدنيه من زغري عفتها...ما عشتها
    و بحزني ليلي استقر...آنا أقضي ليلي ابسهر
    سولف إلها...سولف إلها

    الوادم ايسألونها...الماتت أمها اشلونها...و الجواب الدنيه ماتت
    العاشت ابلا روحها...صعبه تفهم نوحها...تسكت و دمعتها طاحت
    العدها أم هنيالها...ما يسولف بالها...ما تحس بالأمها راحت
    بويه فدوه اندار لك وصل السلام
    قلها فوق الباب راح أرسم خيام
    من زغرها...راضية اسنين بقدرها...من زغرها
    من زغرها...خيمتي اتاني قمرها...من زغرها
    منتظره للطف نهر...آنا أقضي ليلي ابسهر
    سولف إلها...سولف إلها

    اشما تغمض روحي...فززنها اجروحي...بصوت أخوتي الما عفتهم
    من عفتها أيامج...صرت أم أيتامج...صرت أم إلهم و إختهم
    الأمانة ابعيني...الحسن و حسيني...لكن أبجي اشما شفتهم
    دمع عيني من نزل عالخد يصيح
    الدمعه ترخص لو الوحدها تطيح
    من بجيها...العين يا غايب يجيها...من بجيها
    من بجيها...بِنَت أحزان بيها...من بجيها
    من دمعي ما صح مفر...آنا أقضي ليلي ابسهر
    سولف إلها...سولف إلها

    بويه عندي احجايه...أرد أسألك هايه...المحسن اويامن حسبته
    الجيته محتامه...أم تحن ليامه...حقها تشتاق الحضنته
    ما تهنه بناسه...الباب مسقط راسه...بعده ما عاش و دفنته
    الما بعده ما شم الهوه ولا غث له جار
    ليش أول ما طلع يتلقه نار
    راح إبنها...و ما حضر حته دفنها...راح إبنها
    راح إبنها...و منه ظل خالي حضنها...راح إبنها
    لا ما رحمني الدهر...آنا أقضي ليلي ابسهر
    سولف إلها...سولف إلها

    فدوه روحي الصيتك...بتك ووصيتك...اتراب أريدن من قبرها
    ما نسيت اصوابها...أرد أشم اترابها...الزهره ما أفارق عطرها
    اليتيمه اتعاني...المسحت ايدي اتاني...و الخطية اشقد تمرها
    احجاية الما عدها أم أسمعها شار
    آنا من هسه سبية بعيوني نار
    لو شفتها...قلها زينب ما نستها...لو شفتها
    و لو شفتها...النار من بابج خذتها...لو شفتها
    ما أدري ليش القدر...آنا أقضي ليلي ابسهر
    سولف إلها...سولف إلها  



    موقع القصائد الولائية © 2004 - 2013