» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر ناظم الحاشي
    13/11/2017م - 9:33 م | عدد القراء: 842

    ملا جليل


    ساوموني...و آنا ما ساوم على بيعة أميري
    ساوموني...و يكفي قال حسين يا مسلم سفيري
    بدمي لبيّت النداء...الخامس أصحاب الكساء

    حسين ناداني و صرخ بيه الضمير...قوم يا مسلم لبن عمك سفير
    و اعتنيت الموت ما خفت المصير...حسين أميري وواجب انطيع الأمير
    قلت له أمرك...واجب الطاعة يبن عمي عليه
    قلت له أمرك...أمر نازل من أمر رب البرية
    هذا قانون السماء...بدمي لبيّت النداء

    الناس بالكوفة شفت ما عدها راي...اهواي من اوجوهم ما بيها ماي
    أنظر اثلاثين ألف صلوا وراي...و من إجه ابن ازياد طعنوني بقفاي
    بايعوني...تالي خلوني وحيد البايعوني
    بايعوني...الآل أمية ابلا مقابل سلّموني
    ضدي من عدهم جزاء...بدمي لبيّت النداء

    هاني بن عروة الفتح من بيته باب...ضيفي مسلم قال و أتحمل عذاب
    شارك آل المصطفه بنفس المصاب...ما اختلف عهده و حفظ عهد الكتاب
    هذا ضيفي...قال ما أسلمه أبد لعداي بيدي
    هذا ضيفي...ما تمرونه لمن ينقص وريدي
    و آنا صابر عالبلاء...بدمي لبيّت النداء

    مثل موسه أترقب و محد إلي...يا هو أدق بابه طلع يكره علي
    أصبح الباطل عله الحق معتلي...بغير منزل و العرش حد منزلي
    لو ما طوعه...هيه جارتني و تظل نعم المجيرة
    لو ما طوعه...قلت ما ظلت بعد بالناس غيره
    منها عنوان الولاء...بدمي لبيّت النداء

    من دروا بيه بنصل سيفي احتميت...حاربت لمن صرخ سيفي ارتويت
    وحدي ما دنقت راسي و لا شكيت...ناشدت بيهم غيور و ما لقيت
    أمّنوني...إلك يا مسلم أمان الله علينه
    أمّنوني...لاجن الخاين يظل عاره بجبينه
    ديني من عدهم براء...بدمي لبيّت النداء

    من دخلت اعله اللعين ابن اللعين...سب رسول الله و أمير المؤمنين
    قلت له ما يبقه الحكم للظالمين...و لا تظل دولة أمية المجرمين
    قلت له باطل...يا سليل الحكموا بأمر السقية
    قلت له باطل...يا شريك الخانوا العترة الشريفة
    هذا صوتي من الدماء...بدمي لبيّت النداء

    قال أذبحك قلت له أمر الله نزل...مو غريبة اعليك يا ساس الجهل
    ما عليك اعتاب يبن أم الجمل...ناس ما عندكم ضمير و لا خجل
    عندي موتي...أهون و لا عيش دنيه و انتوا بيها
    عندي موتي...أشرف من اوجوه ما راعت نبيها
    هذا منهاج الفداء...بدمي لبيّت النداء  



    موقع القصائد الولائية © 2004 - 2013