» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر حسين الساعدي
    16/10/2017م - 11:03 م | عدد القراء: 3437

    مرقد الامام الحسين (ع)


    الله يحبني...لمن كتبني       خادم للحسين...خادم للحسين

     

    يا حسين إلك دليلي صاير بهيامه...خادم إلك أصير اليوم القيامة

    علمني عودي بيها صرّح كلامه...شرط السعادة قلي هيه الخدامة

    يكفيني خادم...ابهاي المآتم

    كل هاي السنين...خادم للحسين

     

    من أبجي بالمجالس و ألطم باليدين...أغسل اذنوبي كلها ابدمعة من العين

    رغماً عله الأعادي خل يسمع البين...بس عندي موله واحد مولاي الحسين

    من عالم الذر...عنواني و أفخر

    مثل المجانين...خادم للحسين

     

    من زغري حب محرم شب بيه عوده...ناذر وجودي كله فدوه الوجوده

    و ثوب العزة ألبسه بس اعله موده...و أمي اللي فصلتني دشاشة سوده

    قلت لي ردتك...يبني و نذرتك

    و توفي بالدين...خادم للحسين

     

    كل عمري جبته خادم و بصفي نيتي...ريت ابمجلسه ربي يكتب منيتي

    لو بالقيامة رادوا مني هويتي...راسي أرفعه إلهم و أحجي بقضيتي

    أعرض جروحي...و ما يطفه نوحي

    وي دمعة العين...خادم للحسين

     

    مشتاقة روحي تحجي بآخر أملها...بالجنة هالمدامع لحسين أهلها

    تحلالي جنة الله بخدمة أهلها...جنة بلاية خدمة ما أدخل إلها

    يا ربي أنخاك...تقبلني اهناك

    رغماً عله البين...خادم للحسين

     

    يوم اللي ما نفعني مالي و بنوني...ألزم طريقك آنا و أمشي بجنوني

    و اعله الصراط أنذبك لو يسألوني...كافاي من أصيحن أسمك و يعبروني

    هذا اعتقادي...و للموت أنادي

    اسمي كلمتين...خادم للحسين



    موقع القصائد الولائية © 2004 - 2013