الحسين عند مصرع العباس عليهما السلام

سبط النبي صاح...سور الحرم طاح
راح الأخو و انكسر ظهري و العزم راح

يم الشريعه... كفوفه قطيعه
وين الوديعه...تنظره موزّع بالارماح

كهف اليتامه...حلو الجهامه
مفضوخ هامه...و بالشريعه تعفّر و طاح

بالقاع ممدود...مقطوع الزنود
عبّاس ميعود...اتركني أصفج الرّاح

و زينب إجت ليه...تبكي و تناديه
طاح و تخلّيه...و تجينه بدمع سفّاح

ودّي أشوفه...و انظر كفوفه
خيّك تعوفه...و تتركه مرمي بالبطاح

من بعد عبّاس...حزني مينقاس
كيف ارفع الراس...و كفيلي تعفر و طاح

محلا محيّاه...من ينشر الواه
يخفق بيمناه...و على ظهر المهر لاح

ظليت يحسين...بعده بلا معين
راحت السبعين...و عضيدك يالولي راح