» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد سعيد الصافي الرميثي
    17/07/2017م - 10:31 م | عدد القراء: 1895

    الشاعر سيد سعيد الصافي


    جرحك نهر يا حيدر...و السم رسه إعله إجروفه

    بعده بدماك إمعفر...محرابك البلكوفه

     

    ما شفنه مثلك مجروح...يالحيرت جراحك

    يا با الحسن عندك روح...شايلها دوم إبراحك

    ليل الغدر جفه إيلوح...ثوب الشهاده إوشاحك

    آدم يتانيك و نوح...يتبرك بمصباحك

    بنت النبي تتنطر...و الشوفتك ملهوفه

     

    يالتنوصف ليث الغاب...مثل الشهاب إخيالك

    و إشلون يا داحي الباب...غادر قدر يدنالك

    لو ما جنت بالمحراب...ما قدر يتعنالك

    بالأمر حكمه وأسباب...صار الجرح جتالك

    لون السماء إتغير...شمس العدل مكسوفه

     

    شهر المكارم رمضان...صوبوا ليلة قدره

    و اتسمه شهر الأحزان...دمع اليتامه الفطرة

    تنشد يحامي الجيران...متعنية ليك الفقره

    نوقع بيدين العدوان...لو علي ايسلم أمره

    يصعب علينه المنبر...هالليلة خالي انشوفه

     

    قالوا يقول الجراح...مسموم جرح الوالي

    قال الدوه البيه يرتاح...ممكن عليكم غالي

    حطينه لعيونه أقداح...شنهي الثمن منبالي

    انطيح بمصايب لو طاح...صرح الولاية العالي

    يحكم علينه المنكر...بعد الوصي و معروفه

     

    مجتمعه يم باب الدار...هاي المسية الأيتام

    و اتصيح يا حامي الجار...يا جفن يطبق و ينام

    نوقع بيدين الأشرار...جرحك لون ما يلتام

    من شيعتك يا كرار...ينتقم سيف الظلام

    بعدك علي نتحير...طعم المنام انعوفه

     

    لو ما تحسّن وضعك...جرحك اجروح اتبعه

    يا علي و من انودعك...ليل الأماني انودعه

    للقبر من انشيعك...دين الله كله انشيعه

    اتوصي الحسن و يسمعك...و بعينه لاجت دمعه

    صبرك صحت يا شبر...ابدمعة ألم مذروفه

     

    يوليدي انت اتقله...من بعدي أول مظلوم

    جرحك صعب شيشله...بالغدر جبدك مسموم

    بثوب الصبر تتحله...و لا تجزع امن المحتوم

    و اعله الحسين العله...و يصير يوم أصعب يوم

    اوحيد و يحيطه العسكر...و اعليه تصلي اسيوفه  



    موقع القصائد الولائية © 2004 - 2013