» واهم...مو بالسهولة انت تحكم قيدي  » أدري صعبة و غلاتج...و البقية بحياتج  » أَهَذِهِ بِنْتُ الإِبَا نَحْوَ السِبَا تُسَاقْ  » أبد و الله يا عباس منعوف العقيله  » يا موعود...يمته اتعود.....يمته اتعود...يا موعود  » صَرَخَتْ صَرَخَتْ...بِالْحُزْنِ بِنْتُ الْمُصْطَفَى  » صرخةٌ تَعْلُو السَّمَاء...أَيَّ ضِلْعٍ هُشِمَا  » خطبة الزهرة استمعها...بيها تشرح لك وضعها  » أَحْرَقُوا الدَّارَ عَلَى فَاطِمَةٍ و الْحَسَنَيْن  » حزن و اهموم يا حيدر...حزن و اهموم  

  
  • أضف الموضوع


  • الشاعر إيهاب المالكي
    18/05/2017م - 10:57 م | عدد القراء: 410

    الملا باسم الكربلائي


    واهم...مو بالسهولة انت تحكم قيدي
    واهم...هاي السلاسل ما تأثر بيدي
    من توصل المشَّاية...تكسر قيودك هاية
    هاي السَّلَاَسِل ما تأثر بيدي

    آنا العليل و علتي من فارقوني أنصاري...يالقيدتني بعسكرك لا بد تجيك أخباري
    كل أربعين أطلب مدد من الحسين الثاري...و يقلي أبشر يا بُني أرسل إلك زواري
    بيدك...باقي فعلها بعدك ايلعنونه
    قيدك...هذي البدية بالمشي يكسرونه
    و بثاري تنزل آية...من توصل المشَّاية...هاي السَّلَاَسِل ما تأثر بيدي

    قيّدني مهما حاولت ما تنتصر بالآخر...أقسم و حق المنذبح و الصدره رضه الحافر
    هذا طريقي الــ بالأسر من بعد يوم العاشر...كل خطوة بيه الآل النبي من عدها يطلع ثائر
    غالي...يبقه الحسين و ما تعوفه أصاره
    عالي...تسمع هتاف الثورة من زواره
    لله بيهم غاية...من توصل المشَّاية...هاي السَّلَاَسِل ما تأثر بيدي

    تنهار يمهم قوتك تل بجرف شاطيهم...و القاع تتلون مثل لون السواد البيهم
    ذاك الوكت جيشك بعد ما يقدر ايلاقيهم...الكون تلقاه يرتجف كله الوقع رجليهم
    لازم...تحسب احسابك قوتك تنساها
    قادم...روج اليتامة الجف علي ربّاها
    جيشك يتيه رايه...من توصل المشَّاية...هاي السَّلَاَسِل ما تأثر بيدي

    ما عدهم اسيوف و نبل لا رمح لا خيالة...بس عدهم اسلاح العشق اسمه الحسين و آله
    واحدهم امدرع صبر و الخوف ما يدنى له...يمكن إذا ظله انجرح ينزف وفه من اخياله
    عابس...بالخدمة واحدهم تشوفه ايقاتل
    فارس...متعلم و ماخذ وفه من الكافل
    تمطر زلم وفّايه...من توصل المشَّاية...هاي السَّلَاَسِل ما تأثر بيدي

    آنا الملائكة السمه تتعب من أسجد ليلي...كل اليهمني الآخرة و الدنيه ما تعني لي
    الموت متحير بقه أمشي له لو يمشي لي...كل طفلة تعثر بالسبي وياها يوقع حيلي
    اجروحي...أعدادها من أحسبها ما معلومة
    روحي...بيها رقية عالحزن مرسومة
    تشهد لي المصلاية...من توصل المشَّاية...هاي السَّلَاَسِل ما تأثر بيدي

    صد الملامح كربله تلقه الدمه امغطيها...يتغير ابمر الزمن حاضرها عن ماضيها
    اترد الخيام الوجرن زوار تقعد بيها...و حسين يسكن كربله و الكافل اليحميها
    صَلَّه...بيها الحسين و صاح ألا من ناصر
    و الله...العدو يوم ازيارته ايظل حاير
    إخذوها مني احجاية...من توصل المشَّاية...هاي السَّلَاَسِل ما تأثر بيدي

    قيّدني بس أتوعدك هاي السلاسل شاهد...و الله كل جيشك غداً ينمحي بموكب واحد
    كل فرد بيهم شيمته ابكل اليملكه ايجاهد...خدامنه و رتبت شرف خادم الموكب قائد
    سيفه...خطوة مسيره من يعوف ادياره
    ضيفه...يعتبره الحسين و قصد خطّاره
    فوق السمه اترف راية...من توصل المشَّاية...هاي السَّلَاَسِل ما تأثر بيدي   



    موقع القصائد الولائية © 2004 - 2013