جدي گلب اخوي احسين فطر...عالجها و دون العلگمي خر

يجدي الرمح بافاده تثنه * يجدي او بالوجه للسيف رنه
يجدي او شيبه ابدمه تحنه * يجدي او بالرمل خده تعفر

يجدي مات محد وگف دونه * او لانغار غمض له اعيونه
وحيد ايعالج او منخطف لونه * و لا واحد ابحلگه ماي گطر

يجدي مات محد مدد ايديه * و لا واحد يجدي عدل رجليه
يعالج بالشمس محد گرب ليه * يحط له اظلال يجدي من الحر

تناديهم يهالنا او لا لفوها * و لا جدها يجاوبها و لا أبوها
حنت و انگطع ظنها امن اخوها * او شافت عالخيم صول العسكر