» جاءَ صوتٌ قاصداً يُبكيها  » اقصُد لبابِ فاطمٍ و النارُ لن تمسك  » يحيدر گوم لينا اساع و احضر  » أو ويلي عالخيم صول العسكر  » جدي گلب اخوي احسين فطر  » دي گوموا يال هاشم و الهضم مر  » إجت سكنه تصيح الله أكبر  » يا شيال راس احسين گصر  » راس احسين فوق الرمح مسفر  » يـ الله يا شمر عنه دوخر  

  
  • أضف الموضوع


  • الشاعر المرحوم الشيخ محمد بن نصّار
    18/12/2016م - 11:46 م | عدد القراء: 461

    مرقد الامام الحسين (ع)

    السيدة سكينة تنعى أباهاالحسين

    إجت سكنه تصيح الله أكبر...يبويه ليش هالنوما ابها الحر

    تصيح ابصوت يفجع من يسمعه * يفت گلبه و يرض صدره او ضلعه
    يفيض كل عدو اعليه دمعه * يبويه ليش هالنومه ابهالحر

    يبويه ليش ما تنغر عليه * مني سكنه العزيزه الهاشميه
    يبويا اسا عدوي شمت بيه * ذليله ايشوفني ما بين عسكر

    يبويا الروح كل احنا فداياك * دخدني للگبر يحسين و ياك
    أهي غيبه يبويا و اگعد أتناك * و گولن سافر و يومين يسدر

    يبويا اللي وگع من بين ايديه * چتل عطشان ما تشرب اميه
    يبويه ريت هالنومه هنيه * او من بعدك يريت الناس تسهر

    على امصابك يبويه لصب دمعي * و خلي اعليك نوح الليل طبعي
    لحرم ما يجيس الگاع ضلعي * و لا گلبي بعد فرگاك يستر

    يبويا گول لا تخفي عليه * هذي روحتك لو بعد جيه
    يبويا انچان رايح هاي هيه * إخذني اوياك عنك ما اگدر أصبر

    يبويه من شفت مهرك لفاني * ذاب الگلب و انخطفت ألواني
    يبويه ايعود لي بيكم زماني * و شوف الدهر بيكم يرد يزهر

    يبويا باد حيلي و حگ جدك * عسن للگاع خدي دون خدك
    يبويا شاب راس الدين بعدك * و الدنيا أظلمت و الكون مغبر

    بچت زينب او صدت للمدينه * يهلنا احسينكم گطعوا وتينه
    أشو نومتكم صارت ضنينه * د گوموا يال هاشم و الهضم مر



    موقع القصائد الولائية © 2004 - 2013