» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر علاء عبدالحسين الكربلائي
    11/10/2016م - 5:42 م | عدد القراء: 10762

    مرقد الامام الحسين (ع)


    وداعاً يا حبيبي يا حبيبي يا حُسين

     

    باجر ريت أموت و لا يجي امصابك...تطيح إقبالي من مهرك عله اترابك

    يجي السلاب يسلب منك اثيابك...عليك ايحوم يبن الزهرة جف البين

     

    باجر هالشمر يقعد على صدرك...إقبال اعيوني و بسيفه يحز نحرك

    و أجر سهم المثلث من خرز ظهرك...و بسهمك دليلك ينجسم نصين

     

    باجر خيل أمية تهشم اعظامك...يضربني الشمر بسياطه جدامك

    تدوس الخيل يبن الزهرة أيتامك...امنين الطف إجاني خوية قلي امنين

     

    باجر من تطيح و انت مو يمي...عباتي تحترق بالنار يبن أمي

    قمرنه اعله الشريعة امقطع و مدمي...يمه الراية تبجي القطعة الجفين

     

    باجر كل محامي ما يظل إلنه...علي الأكبر بواترهم يوذرنه

    جاسم بالدمه جفينه تتحنه...ما أدري عقبكم خوية أروحن وين

     

    باجر من رضيعك ينزف امصابي...ويه أبو اليمة ألف عبدالله بحجابي

    و أمسح دم وريده اليجري بثيابي...و أطب للخيمة وحدي و أخمش الخدين

     

    باجر عالتراب اتنام هالأيتام...عقب باجر أروح اميسرة للشام

    صعب حرمة تطب بمجلس الظلام...و اشوف ايزيد يضرب منك الشفتين 



    موقع القصائد الولائية © 2004 - 2013