آه...راح اوليدي و خلاني...آه...إلمن يا قلبي إمتاني

ونين ون التفارق إبنها من يسمعه...حنين ويه كل جرت نفس قلبي يشلعه

سنين و آنا ألم دموعي لجله دمعه دمعه...يمين أحلف أنطيه اعيوني فدوه لليرجعه

ليش جنت أرعاه و يرعاني...آه...إلمن يا قلبي إمتاني

أنوح أذكر بيوم المشه دمعه اعله عينه...أروح قلي راح أشتاق لج يمي الحنينه

جروح اشحمل قلب الوالدة الله يعينه...يروح ضيعي ابني بالغرب ضاعت سنينه

سال دمعي و بعده البجّاني...آه...إلمن يا قلبي إمتاني

وحيد ها يقلبي اشبيك عالحسرة اشيعينك...أريد اتوقف الدقات و اتسكت ونينك

تهيد ما ظن اتهيد أبداً الباقوا سنينك...بعيد عاللي الما يرجع شنو اشينفع ونينك

صوت يا يمه اشقد ناداني...آه...إلمن يا قلبي إمتاني

يغيب لون لحظه يروح عني جنت أفقده...حبيب حسين ابن الزهرة و ابني أعده

غريب فوق صدره الشمر قاعد من يرده...عجيب حته ما زرته بمماته و الله شده

وين ألقيه و أحجيله أحزاني...آه...إلمن يا قلبي إمتاني

بجيت من سمعت الناعي ينعه عالمصيبه...مشيت أعثر بنسمة هوه و أسمع نحيبه

حجيت قلت له وين ابني القلب رايد حبيبه...لقيت حسين مذبوح و اجت زينب غريبه

قال يرجع لي و ما ينساني...آه...إلمن يا قلبي إمتاني