» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر مهدي بارون
    01/10/2016م - 7:00 م | عدد القراء: 3779

    مرقد الامام الحسين (ع)


    من أنا حتى تُسلِم عليَّ زينب

    أنا عبدُكم حبيب...أنا ناصرُ الغريب

    من أنا حتى تُسلِم عليه زينب

     

    عايش اسنين العمر بأعظم هوية

    تشهد اعله امحبتي كل شيبة بيه

    بالولاية الله ليغير عليه

    ربي حسن الخاتمة بأشرف منية

    بجوارِ السبطِ أُلقى دعائي يا رب

    للدعاء أمَّن يُجيب...أنا ناصرُ الغريب

    من أنا حتى تُسلِم عليه زينب

     

    أُمنياتي نصرة حسين بخيالي

    يمته أوصل كربله و أحسب ليالي

    لاجن الما حاسب احسابه اعله بالي

    زينب اتحاجيني تسألني اعله حالي

    شّرفتني بسؤالٍ ما كُنتَ أحسب

    و بدمعي سَأُجيب...أنا ناصرُ الغريب

    من أنا حتى تُسلِم عليه زينب

     

    ها يحره جاوبتها كلي حيرة

    آنا يا زينب عبد و انتي الأميرة

    راح أشوفج خدر بعيون البصيرة

    زينب انتي اعله النظر كلش جبيرة

    عبدُكم مِنكم سأغذوا للهِ أقرب

    و بأيامِ المشيب...أنا ناصرُ الغريب

    من أنا حتى تُسلِم عليه زينب

     

    جأنه قلبج زينب الليلة تحير

    انتي من خوف القلب يا زينب أكبر

    دام دلالي يدق و النبضة حيدر

    باجر ابهالحومة أرسم أحله منظر

    سَتريني مِن دمائي شيبي مخضّب

    و على الرمضى تريب...أنا ناصرُ الغريب

    من أنا حتى تُسلِم عليه زينب

     

    راحت أيام و بقت بس عندي ليلة

    أوياكم أدري ما تمرني المستحيلة

    جم شرف شلته و لا يحصل مثيله

    نصرة حسين و سلامج يالعقيلة

    و على الأزمانِ مجداً اسمي سيُكتب

    موعدٌ أضحى قريب...أنا ناصرُ الغريب

    من أنا حتى تُسلِم عليه زينب

     

    ما يهمني الموت و آنا امتاني باجر

    و اليهمني حسين بس لا يبقه حاير

    من ينادي و يلتفت هل من مُناصر

    و الجواب ايسمعه دوسات الحوافر

    صدرُهُ لما تكّسر قلبي تعذب

    صبرُهُ صبرٌ عجيب...أنا ناصرُ الغريب

    من أنا حتى تُسلِم عليه زينب

     

    زينب الله ايعينج بهاي المصيبة

    بينج و بين السبي جثة سليبة

    هالغريب ايروح هسه انتي الغريبة

    و هذي أيام الحزن صارت قريبة

    و غداً تبدو خياماً بالنارِ تلهب

    ليتني أُطفي اللهيب...أنا ناصرُ الغريب

    من أنا حتى تُسلِم عليه زينب



    موقع القصائد الولائية © 2004 - 2013