اتبين أفعال الرجال...يوم يشتد القتال

صرخة ظلت تعتلي...لا فتى إلا علي

إي وحق حسين و احنا أنصاره...لو شهرنه اسيوفنه البتاره

نقطع ارقاب العده و أخباره...نسحك بجدم الظفر راياته

الله هالله بالنزال...يوم يشتد القتال

وين منه اتروح أمية اليوم وين...احنا أنصار و مجانين الحسين

احنا تربات اللي صله القبلتين...اليشهد التاريخ عن وقفاته

اندلل الحومة دلال...يوم يشتد القتال

ندخل الميدان بالغالي نجود...ندخل بإصرار و بهيئة أسود

عن قضيتنه بشرف كلنه ندود...الفارس البينه يقدم إثباته

انعوف أبو الأكبر مُحال...يوم يشتد القتال

الموت لو حانت أقداره و مطلبه...انقله يا ميت هله و يا مرحبه

أبد ما يرهبنه و احنه النرهبه

للعده ما كو مجال...يوم يشتد القتال

بالعقيدة العدنه نعبر كل صعب...فدوة لحسين اعتنينه الهالدرب

و الله ميدان الملاحم ينقلب...يرتعب منه بدوي صرخاته

عله الموعد ما نزال...يوم يشتد القتال

لو عله السبعين ألف سبعين ألف...ابعون ربنه كلها كلها تنحذف

احنه ذخر حسين واحدنه كلف

انحقق اليوم المنال...يوم يشتد القتال