يا نفس النبي المختار...والينه يحامي الجار

عنك بلّغ الجبار...والينه يحامي الجار

يا من تقوتك زادك...ما يدرون حسادك

الله اختصك و رادك...يالمثلك أبد ما صار

حقنه انعتب و نسأل...يا هو المنك الأفضل

و انت يا علي الأول...و انت منبع الأسرار

عن حقك امنحينك...و الرابع امخلينك

و انت من الله تعيينك...نص نازل إلك تذكار

كلها خمدت الأنفاس...طه من خطب بالناس

حب حيدر علي المقياس...لهل الدين و الكفار

قلهم راح أودعكم...عندي خبر ينفعكم

لو حب علي يجمعكم...جا ما خلق ربنه النار

الما ينطي العلي التأييد...عن رحمة الباري ابعيد

لا صومه و صلاته اتفيد...لا ينفع ندم و أعذار

دين الباري قرآنه...يتوصف علي إلسانه

بس شيعته الربحانه...هيه اتنال عقبى الدار

و احنه شيعتك صحنه...عنك ما تزحزحنه

ابحبك لو تذّبحنه...نفس العزم و الإصرار

بيعة شرف بايعناك...لآخر نفس عاهدناك

دنية و آخره وياك...يا ليث الوغى الكرار

انحبك بالدمه اكتبنه...و ناتج عن وعي حبنه

حبك سِلَم الربنه...يالبيك الزمان احتار