يا إمام الجعفرية...نبني مرقدك
احنه شيعة و عهد هذا يمك ابدمنه انكتب...لابد اتدور الليالي نبني قبتك بالذهب
و الهدم أربع مراقد ضايع و ماله نسب...ما نعاتب يبو الغيرة للي ما يسوه عتب
بالجفوف الحيدرية...نبني مرقدك
انعوف قبرك بيد أميه اشلون يبن المرتضه...هذا ثار و ما نعوفه يشهد اعلينه الفضه
لابد انشّيد ضريحك رغم أنف الما رضه...بسمك تزلزل الدنيه من تصيح الرافضه
رغم أحفاد آل أميه...نبني مرقدك
أشعر مقصر و أجيك ما ترجعني السيوف...ما تلمني الدنيه لمن أوصل اترابك و أطوف
يبقه قبرك يا إمامي و عمية عينه الما يشوف...احنه شيعة و نبقه شيعة لو يقطعون الجفوف
و انت عنوان الهوية...نبني مرقدك
احنه شيعة علي نبقه ما نمد للذلة إيد...انعيش أسياد بوطنه أبد ما نصبح عبيد
احنه ويه حسين صحنه ما نبايع يا يزيد...و الزمان الما نصفنه ندري من عدنه شيريد
و حق تل الزينبية...نبني مرقدك
رافضي لآخر حياتي ما تغيرني السنين...عاشق و مجنون أبقه و آنا مجنون الحسين
هذا درب حسين دربي وين يحصل مثله وين...كون أطير بجنح شوقي و أحط بين الحرمين
يا كتاب الله و نبيه...نبني مرقدك
