» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد سعيد الصافي الرميثي
    27/08/2016م - 10:22 م | عدد القراء: 1648

    الشاعر سيد سعيد الصافي


    على حبكم ربيت...بسواكم ما هويت

     

    آنا من يوم افتحت للدنيه عيني...آمنت بيكم و لا شك بيقيني

    يالحلمكم جيت العاشق يجيني...من محبتكم أخذت ادروس ديني

    أساوم ما رضيت...بسواكم ما هويت

     

    جدكم الهادي النبي وصانه بيكم...وقفت الخدام نوقف بين ايديكم

    يا من احساب البشر باجر عليكم...و المخالف و المحب مرجعها ليكم

    أقلكم لو إجيت...بسواكم ما هويت

     

    بالقيامة شنهي عذر الخالفوكم...بالوجوه السودة باجر لو اجوكم

    بادي منكم يا قصور و حاربوكم...و انتم الليث الشهم حيدر أبوكم

    أنا بنهجه اقتديت...بسواكم ما هويت

     

    بالشرف سيدة نساء العالم أمكم...و الكرم يسجد على سفرة كرمكم

    يا كمال العصمة من يقدر يذمكم...و بمعاجزكم يظل يخفق علمكم

    مثلكم ما لقيت...بسواكم ما هويت

     

    حبي إلكم هوه يشهد عن ولائي...جعفر الصادق هوية إنتمائي

    من أجلكم آنا متطوع فدائي...رافضي بيوم الصرت ناذر دمائي

    مضحي من انتميت...بسواكم ما هويت

     

    آنا علّمني شهيد الغاضرية...ما أساوم روحي شايلها اعله ايديه

    و أختم بدمي هويتي الجعفرية...جفي يرفض ما يصافح آل أميه

    على خطكم مشيت...بسواكم ما هويت

     

    رافضي و ما ينكسر واحد قراري...ثابت اليوم الفرج يبقه انتظاري

    ما أملن حته لو طال اصطباري...ثار الحسين و رضيعه هوه ثاري

    و أقول اشما تنيت...بسواكم ما هويت



    موقع القصائد الولائية © 2004 - 2013