» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • 20/05/2016م - 1:11 ص | عدد القراء: 2341

    يا مهدي


    يمهدينه يمهدينه...بالأرواح ضحينه يمهدينه

    و بكعبة صبرنه...لليوم انتظرنه

    يمهدينه يمهدينه...بالأرواح ضحينه يمهدينه

     

    راية شرف راية نصر مرفوعة و ترفرف

    و بأرض سامراء المجد عالدنيه صوته يهتف

    و ألحان قدسية غدة الأملاك بيها تعزف

    و بمولد المهدي يظل نبض العقيدة ميجف

    يرّوينه يرّوينه...من منبعه و يسقينه و يروينه

    يا راية نصرنه...لليوم انتظرنه

    يمهدينه يمهدينه...بالأرواح ضحينه يمهدينه

     

    هالنور أشرق عالأرض من جبهة محمد

    اتعيش العدالة ابطلعته و الظلم بابه ينسد

    هذا الإمام المنتظر من العرش نوره امتد

    و دمعة سرور بمولده تتحدر عله الخد

    يضّوينه يضّوينه...الدرب العدل يهدينه و يضّوينه

    بنوره أشرق فجرنه...لليوم انتظرنه

    يمهدينه يمهدينه...بالأرواح ضحينه يمهدينه

     

    تتمنه نوره اتصافحه ممدوة الأيادي

    منتظره ساعة طلعته لو نادي المنادي

    أنصاره ترفع رايته رغماً عله الأعادي صلوات صلوات

    كل مؤمن تسمعه هتف ذخري محبته و زادي

    ينادينه ينادينه...و برايته يفّينه و ينادينه

    بس حبه بصدرنه...لليوم انتظرنه

    يمهدينه يمهدينه...بالأرواح ضحينه يمهدينه

     

    قائدنه بس المنتظر و احنه نظل اجنوده

    و الجود يوقف و الكرم يطلب مدد من جوده

    الأملاك و الجن و الإنس كلها تصير اشهوده

    و الدين يظهر و العدل ينتشر بس بوجوده

    يوالينه يوالينه...انت الذي تحمينه يوالينه

    نفدي لك عمرنه...لليوم انتظرنه

    يمهدينه يمهدينه...بالأرواح ضحينه يمهدينه

     

    كل لحظة بغيابه تمر تتلهف الأخباره

    من عالم الذر القدر سّجلنه من أنصاره

    ننتظر لمن عالظلم بيده يسل بتّاره

    وياه نروح الكربله و لحسين ناخذ ثاره

    بيدينه بيدينه...ناخذ بثاره و دينه بيدينه

    يا مالك أمرنه...لليوم انتظرنه

    يمهدينه يمهدينه...بالأرواح ضحينه يمهدينه



    موقع القصائد الولائية © 2004 - 2013