» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر إيهاب المالكي
    22/04/2016م - 11:49 م | عدد القراء: 11474

    الملا باسم الكربلائي


    زينب وين العزاز...منهم ردتي جنّاز...يزينب يزينب

    و بموتج وحيدة...عن أهلج بعيدة...يزينب يزينب

     

    يزينب ساعة التوديع مو سهله...قبل لا يمشي المفارق يشوف أهله

    اشما طالت السفرة اوداعهم يحله...وادعتي من انتي و اخوتج قتله

    حيرة بفقد الأحباب...يا هو ايهيل التراب...يزينب يزينب

    و بموتج وحيدة...عن أهلج بعيدة...يزينب يزينب

     

    ضمت لج الشام من الحرب ذكره...أثر راس الإمام الشالته الشجره

    بجيتي ابدمعة مثلج طاهرة و حره...ما ندري اشبجيتي دمعة لو شذره

    رجعت بيج الأيام...و اتذكرت الأيتام...يزينب يزينب

    و بموتج وحيدة...عن أهلج بعيدة...يزينب يزينب

     

    تاريخج يزينب بالألم حافل...ما ينحسب همج لو سأل سائل

    ملك الموت يمج من نزل قائل...يا زينب تعالي يم أبو فاضل

    أخوج امتاني ملهوف...بعده بغير الجفوف...يزينب يزينب

    و بموتج وحيدة...عن أهلج بعيدة...يزينب يزينب

     

    روحج من زمان هناك عفتيها...بالطف يم اخوتج ما أخذتيها

    قلتي الشام أقبل أندفن بيها...بس اجروح قلبج ما دفنتيها

    لا ما قلتي مسموح...أدفن هاي الجروح...يزينب يزينب

    و بموتج وحيدة...عن أهلج بعيدة...يزينب يزينب

     

    تشييعج خيالي من كتب عنه...سمّيته يزينب موكب الونه

    أصوات النياح التنبعث منه...بيه تنحب الدنيه و تلطم الجنه

    بيه كل حزن الأكوان...سارة و بنت عمران...يزينب يزينب

    و بموتج وحيدة...عن أهلج بعيدة...يزينب يزينب

     

    رقية من قبرها صاحتج عمه...من ترحين قلبي يغرق بهمه

    فرحة الطفل بالعايلة اللمه...يستاحش إذا محد يظل يمه

    قلبي عمه مكسور...وحدي بين القبور...يزينب يزينب

    و بموتج وحيدة...عن أهلج بعيدة...يزينب يزينب

     

    يا زينب بصبرج ربج العالم...ياخذ حقج من الكافر الظالم

    يا زينب عليج ابحنة القاسم...اقبليني يزينب ابقه لج خادم

    اسمج عايش اوياي...عاشق خدمتج هاي...يزينب يزينب

    و بموتج وحيدة...عن أهلج بعيدة...يزينب يزينب



    موقع القصائد الولائية © 2004 - 2013