» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر كرار حسين الكربلائي
    10/02/2016م - 11:30 م | عدد القراء: 1566

    الملا باسم الكربلائي


    صله الموت...و اتيمم بتراب إحساسك

    صله الموت...ما بين اخيامك و أنفاسك

    صاح وحي الآه...يا ذبيح الله

    يوم عاشوراء جرحي ما ينساه

     

    من سمه الآهات نازل الموت...ابكربله اتيمم ابترب خدك التريب

    خضّب وجه ابدم شيبك الخضيب...الموت إلك شهد عالمك عجيب

    شاء الله... يجعل تربان الطف نعشك

    شاء الله... بمملكة الحب ينصب عرشك

    صوت أنفاسي مصرعك يقراه...يوم عاشوراء جرحي ما ينساه

     

    و العجيبة النار ابخيمة النور...و النهار ودع الضوه و شمسه بالمغيب

    هودج هم عالتل ناده يا غريب...ابخيمة الوحي يسعر اللهيب

    ما تغيب...شمسك تشرق من عاشورك

    ما تغيب...تسبيح الكون ابدم نورك

    وين ما أرحل عاشرك ألقاه...صار تسبيحي يا ذبيح الله

     

    ابشهقة أنفاسك عايش الماي...بين ايديك تغرق ابخجل جبهة الفرات

    عطشان و ثغرك واهب الحياة...و اعله قبلتك صلت الصلاة

    وجه النور وجهك يا كعبة آمالي...وجه النور اتوضه ابنورك يالغالي

    لا تتوقع مبدأك أنساه...صار تسبيحي يا ذبيح الله

     

    النجمة اعيونك ساهر الليل...بالزمان يا وتر إلك ما يصح نظير

    يا سلطان الهم تملك الضمير...قلبي إلك بالعشق أسير

    موله الكون...لا تعتق روحي المفتونه

    موله الكون...خليها ابحبك مجنونه

    بين كلماتي اسمك اشمحلاه...صار تسبيحي يا ذبيح الله

     

    صلت الوحشة الدنيه يحسين...يا حسين حته خنصرك صله عالتراب

    تسعر ما تبرد جمرة المصاب...تبقه زينبك آيةِ الحجاب

    لا هيهات...عن ذكرك تلهيني أيامي

    لا هيهات...ما أنسه أحزانك يالضامي

    دوم أتذكر طفك و أنعاه...صار تسبيحي يا ذبيح الله



    موقع القصائد الولائية © 2004 - 2013