» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر علي الخفاجي
    22/01/2016م - 9:58 م | عدد القراء: 2793

    علي الخفاجي


    مواكب يمته نوصل للحسن

     

    قبر الحسن خل الزمان ايشوفه...لمن نجي ابراياتنه المعروفه

    من كل أرض واجب علينه انطوفه...مجنون يا ناس اليقول انعوفه

    روافض نبقه نتحده الزمن

     

    عاهدنه حيدر ما نخون البيعه...شيعة علي و للموت نبقه شيعه

    عفنه الخليفة الباطل بتشريعه...صحنه علي الواجب علينه انطيعه

    وطنه حيدره و أشرف وطن

     

    شيعة و نريد الما سمع يسمعنه...وقعنه بالدم وي علي وقعّنه

    عن الحسن يا ناصبي اليمنعنه...نتلاقه و إتراب الشرف يجمعنه

    مناير تنبني و قبة و صحن

     

    خل الهدم قبر الحسن يتحذر...من ينفجر بركان شيعة حيدر

    يبن الحسن كل يوم يرجع خيبر...مشهد يزيد ابكل عصر يتكرر

    يغايب طالت أيام المحن

     

    أحفاد أميه اشما تجور ويانه...لا ما نذل ما نخضع الدنيانه

    بارينه ذاكر حيدر بقرآنه...هيهات ننسه المرتضه و ينسانه

    غياره نصرخ ابوجه الفتن

     

    هالكلمة أنصحك بعد لا تحجيها...اشلون الصلاة ابلا علي انصليها

    عترة محمد و الله ما تمحيها...هاي المراقد نرجع و نبنيها

    أمية هدّمتهن بالعلن



    موقع القصائد الولائية © 2004 - 2013