» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر علي الخفاجي - 01/12/2015م - 9:06 م | عدد القراء: 1900



    غير  حسين  ما  نعشق  و  لا  نهوه...و دنيه ابلا محرم كلشي ما  تسوه

    حبيناك        و        اتعاهدنه...دوم       اوياك       يا        قائدنه

    يظل  هذا  الشعار  ايعيش  ويانه...و  بيه  صوت  الزمان  ايردد  السانه
    و  الما  ننسه  حبه  اشلون  ينسانه...ذكر  حسين  يصبح للقلب  سلوه

    نعوف   الدنيه   كلها   و  نقعد  ببابه...و  نخلص  العمر  خدام   لترابه
    نلطم  عالصدر  و  الدمعه  سجابه...فدوه  انصيح لحسين العمر  فدوه

    من  قد ما دوت نار العشق بينه...حفظنه اسمه و نسينه احروف  اسامينه
    جنينه   ابمحبة   حسين  جنينه...و  نصرخ  بالشدد  لو  حلت   البلوه

    منذور  العمر  للدمعه  و  الخدمه...لو  نعرف  نموت  ابدرب  أبو  اليمه
    غصبن    عالنواصب   نهتف   بإسمه...ويانه   انولد   عاشور   مو    توّه

    شيعه  و  نبقه شيعه اشما تلوم الناس...و نتعنه زحف و بشوق ما  ينقاس
    و  انطوف  ابضريح حسين و العباس...نمشي الكربله خطوه بأثر  خطوه

    تفجير   و   ذبح   ما  أثر  اعلينه...ركضنا  له  و  تركنه  اديار   أهالينه
    وينه   الجان  يمنعنه  ابحقد  وينه...بخت  حسين  شوف  ابحالته   اشسوه
    *
    نذكرهم إذا جانوا صدق ناسين...و هذا أقرب مثال انشاف شوف العين
    راح  القال  آنا  حسين و آنت حسين...انهارت سطوة الجلاد و  القسوه

    قبر  حسين  هذا  و  خل  يشوفونه...ألف  حجاج  ما  قدورا   يهدمونه
    و   بدم   الرقاب  الشيعه  يبنونه...و  كل  عطشان  من  محبوبه   يتروه



    موقع القصائد الولائية © 2004 - 2013