أضف الموضوع
الشاعر ناظم الحاشي - 31/08/2015م - 9:20 ص | عدد القراء: 4457
اليوم وفيت الكفالة ودينها وشهد يا زينب عليها إحسينها
إنتي شاهد عالجره بيوم الطفوف ، إشلون جثتي اتوزعت بين السيوف شفتي فوق المشرعة شلون الجفوف ، بغير راية وعالثره امقطعينها
شفتي يمي الماي عطشان وجفيت ما شربته ورحت بالدم ارتويت ومن ذكرت اسكينه يا زينب بجيت يا هو يمسح بعدي دمعة عينها
عالفرات اتلاقت بصدري السهام ، نفسي هانت من تذكرت الإمام روحي يمج ظلت ويم الخيام ، بلا جفوف وجربتي امبدينها
فوق راسي بيوم ما طاح العمود صاح يا عباس رد ثار اليهود لجن ما نسّاني وياج العهود وعيني تنزف بالسهم تدرينها
والله ما همني الذبح ي اخت الشهيد ، ما خفت من سيف من حز الوريد همني بس اسمعت مسبية ليزيد ، صاح إخت عباس هالسابينها
يا اختي كون المثلج بدم تنكفل مو أسيرة تروح مشدودة بحبل ولا بدرب الشام تصعد عالهزل وبخرابه بلا غطه امخلينها
من تطيح ادموعج تطيح السمه ، فوق راسي وتشتعل نار الظمه خاف لو شافتج تزعل فاطمه ، شلون زينب يمك أمبجينها |
|