» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 10/06/2015م - 8:26 م | عدد القراء: 26034



    سلام   الله   عله   الشيبه  الخضيبه...سلام  الله  عله  الجثه   السليبه
    قبل        لا        نرحل        انزور...زيارة        يوم        عاشور
    سلام             الله            عله            الجثه             السليبه

    صبح  يوم  اهدعش  أعلن قراره...شمر حادي الضعن و احنه  اليساره
    توكلنه   و   مشه   ضعن   الحياره...أخذنه   الحادي  للحومه   بقراره
    لقينه   اموذره   أجساد   الغياره...على   ظهر   الأبل   نقره    الزياره
    سلام  الله  عله  الأنصار  كلهم...سلام  الله  اعله  بن ظاهر  علمهم
    سلام          الكل         النحور...زيارة         يوم          عاشور
    سلام             الله            عله            الجثه             السليبه

    يرمله   ذاك   جاسم   ما   تشوفين...عله   مهلج   يرمله  من   تونين
    أخاف   اعليج   من  ونج  تطيحين...عفه  قلبج  بلا  جاسم   تردين
    بعد   كافي   بزفافه  لا  تحلمين...اشبعي  شوف  منه  و  لا   ترمشين
    سلام   الله   عله  الحلوه  خصاله...سلام  الله  عله  اعيونه  و  جماله
    سلام        و        قلبي        مجمور...زيارة       يوم       عاشور
    سلام             الله            عله            الجثه             السليبه

    علي   الأكبر   يليله   هاي  جثته...اشكثر  متغير  ابنج  بس  عرفته
    شباب  امن  الضمه  ذبلت  وردته...إله  فدوه  خواته  و فدوه  عمته
    يليله   انفطر   قلبي   من   شبكته...قبل   لا   ينذبح  بسته   ابرقبته
    سلام    الله   عله   ذيج   المهابه...سلام   الله   على   زهرة   شبابه
    سلام       و       جبدي       مجمور...زيارة       يوم        عاشور
    سلام             الله            عله            الجثه             السليبه

    بنات   حسين   يمي   قرّبوهن...نشوف  اشلون  صاير  حال   أبوهن
    يسكنه   اعظام   صدره   كسروهن...تره   حته   الأصابع  قطعّوهن
    بقه   عاري   و   ثيابه   سلبوهن...دره  لو  ما  دره  بحال   السبوهن
    سلام   الله   على   جبده  التقطع...سلام  الله  عله  جسمه   التوزع
    أزور        و        دمعي        منثور...زيارة       يوم        عاشور
    سلام             الله            عله            الجثه             السليبه

    تعالن  خل  نعد  جم  ألف  طبره...و نعد جم حافر امسوي له  حفره
    أثر  رجل  الشمر  لسه  اعله  صدره...تراب  و  دم  تجمع فوق  نحره
    يسكنه   والدج   حيّرني   أمره...يعمه   امن   الصدر   ينشاف  ظهره
    سلام   الله   عله  التسعة  أصابع...سلام  الله  عله  الخنصر   الضايع
    زرت          خنصره         المبتور...زيارة         يوم         عاشور
    سلام             الله            عله            الجثه             السليبه

    أكو   منظر   بعد   لحد   تصد  ليه...تره  عبدالله  ذاك  الماد   رجليه
    يا   هو  البيه  رحم  يقدر  يغطيه...رباب  اعله  الهزل  قامت   تناغيه
    ابرمح  راس  الطفل  لا  لا  تخليه...ارفعه  ابسهم و احنه انباوع  اعليه
    سلام   الله   عله   نحرك   المذبوح...سلام   الله  عله  قلبك   المجروح
    سلام        الباري       و       الحور...زيارة       يوم        عاشور
    سلام             الله            عله            الجثه             السليبه

    دوجهن عالشريعه النوب العيون...و خلي انشوف حال الكافل اشلون
    أريد  أقعد  إقباله  و  ما  يقبلون...و  أريد  امعاتبه  و خافن يسمعون
    يبو   النوماس  مو  طبع  اليكفلون...يتركون  الحرم  تبجي  و   تنامون
    سلام  الله  عله  طولك  يعباس...وريدك  و  الجفوف  اعيون و  الراس
    سلام        و        انت       معذور...زيارة       يوم        عاشور
    سلام             الله            عله            الجثه             السليبه



    موقع القصائد الولائية © 2004 - 2013