» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر إيهاب المالكي - 10/06/2015م - 7:59 م | عدد القراء: 6296



    احذر      لا     تجي     ابخطه      جديدة
    مو        آنا        اليساوم        عالعقيدة
    تبقه   دمعة  العين...و  أبقه  خادم   حسين
    عــقــيــدة...عــقـيـدة

    كل   فكره   بدون   حسين  خالي  محتواها
    يعني  اللي  حجاها  ايصير  مثلما   الحجاها
    روحي انباعت اعله الدين و حسين  اشتراها
    هاي  اصدورنه  من  حسين  تتنفس   هواها
    اسمعني      و     اخذها     منها      كلمه
    آنا      حسين     قلبي     عاشق      إسمه
    مثله  ينوجد  وين...و  أبقه  خادم   حسين
    عــقــيــدة...عــقـيـدة

    ياللي  اتريد  أعوف  حسين  هذي  استحاله
    هوه   العنده  مثل  حسين  شيخلي   ببداله
    سولف  للورد و الياس و اسأل عن  خصاله
    خل  تحجي  لك  النجمات عن روعة  جماله
    اوقف     يم    صفاته    و    افهم    أمره
    بلكت     تاخذ     من     أفعاله      عبره
    ركّز   بالنظر  زين...و  أبقه  خادم   حسين
    عــقــيــدة...عــقـيـدة

    باقي   و   الشعائر   هاي  بيها  ما  أجامل
    أبجي  و أمشي فوق النار و ألطم بالسلاسل
    ما    أترك   طبخ   عاشور   اسمع   يالمقابل
    مو  مثلك  أصّنع  موت  تفخيخ  و   قنابل
    علّمني       الحسين       آخذ        مكاني
    محد         يقدر         ايهدد        كياني
    قلت لك مره و اثنين...و أبقه خادم حسين
    عــقــيــدة...عــقـيـدة

    آنا  و  انت  مختلفتين  ما خلي ايدي  بيدك
    تنزل  دمعتي  ابعاشور  و  انت يبدي عيدك
    دور   غيري   يمشي  اوياك  آنا  ما   أفيدك
    آنا  أبقه  أحب حسين و انت اعشق  يزيدك
    خليني      بجمر      شوقي     و      لهيبي
    ما      أقبل      لك      اتزعل      حبيبي
    أحلفلك  بالحسين...و  أبقه  خادم   حسين
    عــقــيــدة...عــقـيـدة

    نهجه   يستمر   حسين   خله   الما  يواكب
    بحر  امن  الحزن  و الروج بيه ترسي  المراكب
    من   أتطبر   اعله   الراس   تهتز   الكواكب
    من   غيم  الجروح  اتطيح  زخّات   المواكب
    يالتشكل        عليَّ        مني        أفهم
    دمعات       المحب       تخمد        جهنّم
    دمعه  وفّت  الدين...و  أبقه  خادم  حسين
    عــقــيــدة...عــقـيـدة

    كل  واحد  يحب  حسين  بيه  يربط  مصيره
    روضه  امن  الورد  و  الروح  تتنفس   عبيره
    من  يمتلي  صدري  اهموم  و اتراودني  حيره
    يفرجها   عليَّ   حسين   باللحظه   الأخيره
    من       أتعنه       يم      شباكه       زاير
    آنا      اشما     أكلمه     يقلي      حاضر
    لا  ما  قلي  بعدين...و  أبقه خادم  حسين
    عــقــيــدة...عــقـيـدة

    معذوره  الشمس  مرات  يم  شباكه   تقصد
    أتحداها   لو   فذ   يوم   يم  أنواره   تصمد
    الله   خله   نور   حسين   بيه   لمسة   تفرد
    همساته    لآلئ   بيض   و   أنفاسه    زمرد
    يالتنصحني          وفّر           هالنصيحه
    حقك      ما     شفت     جنة     ضريحه
    تدخل  جنته  امنين...و  أبقه خادم  حسين
    عــقــيــدة...عــقـيـدة



    موقع القصائد الولائية © 2004 - 2013