» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد سعيد الصافي الرميثي - 08/06/2015م - 10:18 م | عدد القراء: 7601



    إيماني    و   إحساسي...غيره   اتحوّل   براسي
    شيعي          و          أرفض           العار
    هويتي     و     انتمائي...حُسيني      كربلائي
    شيعي          و          أرفض           العار

    شيعي  و  آمنت  من  اعرفت  علت  وجودي
    تربة    كربله   من   الأزل   موقع    سجودي
    ما خون الوعد صاحب عهد و أمضي  بعهودي
    من   أشرف   نحر   دم  النزف  كسّر   قيودي
    عالعزه      ربّاني...هيبه      ابدنيتي      انطاني
    قائد           مثله           ما            صار
    لجله    أصبحت   فدائي...حُسيني    كربلائي
    شيعي          و          أرفض           العار

    منه   اتعلمت   لو   صممت   واحد   كلامي
    صحت اشلون أذل و آنا طفل و حسين إمامي
    أمضي   ابسيرته   و   بخدمته  حبل   اعتصامي
    دنيه   و   آخره   وي   منبره   باقي   إلتزامي
    هالمنبر      الموتي...هوه      ايصير       تابوتي
    غيره                اشلون                 أختار
    لآخر     نفس    عزائي...حُسيني     كربلائي
    شيعي          و          أرفض           العار

    من   طبع   اليحب  ماخذ  درس  معنه   المحبه
    لازم   كل   حرف  رغم  الظلم  بالدم   يكتبه
    كل   قطرة  دمه  شمعة  أمل  و  اتضوي   دربه
    مو   حب   عاطفه   آية  وفه  من  تقره   قلبه
    كل  نبضه  من  عنده...تثبت  صادق  ابوعده
    كلما                 مرت                 أدوار
    يهتف     أنا     بوفائي...حُسيني      كربلائي
    شيعي          و          أرفض           العار

    قالوا   رافضي   و  عندك  طبع  بالحب  مغالي
    ما   يعرف   ثمن   حب   الوصي  بس   الموالي
    الله    العيّنه    و   النصّبه   و   اختاره    والي
    أغله  امن  النفس  و  امن  الدمه  والينه   غالي
    رابع       يعدونه...و       الأول       يعرفونه
    حيدر                علي                 الكرار
    و    آنا    العلي   ولائي...حُسيني    كربلائي
    شيعي          و          أرفض           العار

    عالفطره  انولد  حب  الملك  قلبي  و  ضميري
    من  زغري  عبد  مملوك  اله  و  حسين  أميري
    و   بهذا   الدرب  من  آمنت  أعرف  مصيري
    بحسين   الأمل   و   بشدتي  عوني  و   نصيري
    من    الله    مطلوبي...حب   حسين    محبوبي
    حرز               ابكل                الأخطار
    صبح   و   مسه   دعائي...حُسيني   كربلائي
    شيعي          و          أرفض           العار

    لحسين    أعتني    ببابه    أنحني    لمن    أزوره
    تنزل    دمعتي    و    بلهفتي   أشتم    عطوره
    آنا    الأنتظر    عند   القبر   أحطه   بحضوره
    ليلة    وحشتي    و    بغربتي    يغمرني    نوره
    و   بساعة   احسابي...حب   حسين    بكتابي
    من                عشاقه                 الأبرار
    يوم     الحشر     ندائي...حُسيني     كربلائي
    شيعي          و          أرفض           العار



    موقع القصائد الولائية © 2004 - 2013