» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 05/06/2015م - 10:22 ص | عدد القراء: 4090



    يا راهب  العشيره...و اجنازتك   أسيره
    ناده  المنادي اعله الجسر ...هذا  الغريب

    أربع     حماميل    و    حرس     مستعد
    و    اجنازه    ملفوفة   بسلاسل    حقد
    كل    الوصل    يمها    يخاف   و    يرد
    وين      العشيره     البلشدد      تنوجد
    خل تحضر البواسل...و اتكسر السلاسل
    و  الله  فلا  يذهب  سُده ...دم  الغريب

    هاي     الجنازه    ويلي    تنزف     دمه
    من   دم   علي   لو  من  ضلع   فاطمه
    و   الدنيه   صارت  موحشه  و   مظلمه
    ناحت   عله  امصابه  الأرض  و  السمه
    خل  تحضر  القرابه...للكاظم  و  مصابه
    أسمع  ينادي  يا  هلي...  صوت  الغريب

    هذا    المعّذب    يا    خلق     بالسجن
    كل   عمره   من   ثقل   السلاسل  يون
    هذا      الغريب      البلصبر      ممتحن
    خلصها    غربه   و   نايبات   و    حزن
    من كثرة الدواهي... يمته الفرج يا  الاهي
    موعدنه  يوم  الجمعة  ...يا نعش  الغريب

    يا   صاحب   السجدة   الطويله  اشبعد
    افراق    الأهل    من   السلاسل    أشد
    تسجد   حياطين   السجن   لو    سجد
    يبقه     الأسد    حته    بقيوده     أسد
    يا   نظرة   الشماته...حته   بوكت   مماته
    يا  فرحة  الشامت قضه ...نحب  الغريب

    امشي      ابحذر     يالشايل      اجنازته
    تلجم    اجروحه    و   تنجرح    شيعته
    ويلي   و   شديد   السم   قطع   جبدته
    وين      الهواشم      تحضر       الدفنته
    نادوا  أبو  المصاعب...يا مظهرَ العجائب
    يا  حيدر  ابغربه اندفن ...جسم  الغريب

    مات    الإمام   و   يمه   حضروا    هله
    شهرت      صوارمها     ابوجه      قاتله
    لكن    شقول    اعله    الذي   ابكربله
    منهو   الحمل   نعشه   و   منو   الغسّله
    و اليجرح المشاعر...داست عليه  حوافر
    يا  شيعه ظل اعله الرمح... راس  الغريب

    لكن     يبن     جعفر     يهون      الألم
    من     أذكر    النار    التشب     بالخيم
    مسبيه    زينب   و   العدو   ابلا   رحم
    طاح    الكفيل    و    عالشريعه    العلم
    ما   شفنه   هاشميه...راحت  قبل   سبيه
    يا  زينب  ادموع  العتب ...تاذي الغريب



    موقع القصائد الولائية © 2004 - 2013