أضف الموضوع
الشاعر السيد سعيد الصافي الرميثي - 05/06/2015م - 10:08 ص | عدد القراء: 3759
آنا الغريب المسجون ...و بلا ذنب سجنوني
عالجسر من اتمرون...يا شيعتي ذكروني
المؤمن تنفعه التذكره و النسيان... مو من صفاته
و اتنفعه دنيه و آخره بالإحسان... من يبني ذاته
و بحالي تدرون تدرون اشجره و السجان ...جان اشقساته
من مثلي يسأل ما دره بالآذان... ساعة صلاته
ابطاموره ظلمه الأشرار ...أهل الحقد خلّوني
و بلا ضوه ليل إنهار ...يا شيعتي ذكروني
من صحت من عندي اشبده يا هالناس... زادوا عذابي
بالقيد ايديه امحدده و الأرجاس... سمعوا عتابي
آنا بن سر المائده رفعة راس ...أصل إنتسابي
لو ينظر اعليه اشسده العنده إحساس ...يبجي المصابي
و الجتّفوا داحي الباب... هم الذي جتفوني
آنا بن خير الأنساب... يا شيعتي ذكروني
بالسجن خلّصت العمر و الظلام... قطعوا أخباري
و شيعتي الظلت تنتظر عام ابعام... طال إنتظاري
بالأمل كل ساعة التمر بالآلام ...ليلي و نهاري
و اتحملت مر الصبر يا إسلام... و الدمع جاري
لو أدعي ربي المعبود... أهل الردّه ايشتموني
كل ليله آهاتي اتزود... يا شيعتي ذكروني
عادت اليندب بالسجن بعد اشهور... أهله تزوره
و بهاي يقبل يا أمن يا دستور... للألم صوره
و القلبه لحبابه يحن و المجمور ...يجرح شعوره
بالسجن ممنوع اليون و المأمور ...ظالم ابجوره
و ما قلت مني اشتردون... من السجن طلعوني
متحمل و صبري ايهون ...يا شيعتي ذكروني
للموت قالوا لي استعد يا مظلوم... كمّل صلاتك
جتّالك ابسم الحقد شفته ايحوم ...قربة وفاتك
منك يقطعون الجبد يالمسموم ...يالطيبه ذاتك
يا من بربك معتقد يا معصوم ...تشهد صفاتك
و السم جرعته و ناديت... خل شيعتي ايحضروني
حان الفرج ليكم جيت ...يا شيعتي ذكروني
عالجسر ياللي اتانون تنتظرون... هالليله أجيكم
أربعه النعشي ايحملون و اتشوفون... مقبل عليكم
صوت المنادي اتسمعون تتلقون... جيت وليكم
فزعة الغيره اتفزعون و اتشيلون ...نعشي اعله ايديكم
نوح و لطم يا أشراف... بالمدمع اتواسوني
أنصاري يهل الإنصاف... يا شيعتي ذكروني |
|
