أضف الموضوع
18/05/2015م - 12:32 ص | عدد القراء: 2309
صلوات صلوات... عالمصطفه هادينه
كم قلب اسمك راسم ...نبينه يا بو القاسم
نهواك و انت العالم ...و المحب تدري ابوضعه
حبك علينه واجب ...و الما يحبك راسب
للدوم يبقه سالب ...موجب الحبك طبعه
و اللي يحبك ناجح ...و العمر كله فالح
معروف هذا وواضح ...و الزين طابع نبعه
و الأصوات و الأصوات ...أظهرت كلما بينه
صلوات صلوات... عالمصطفه هادينه
يالنبي لو سإلونه ...عنك ينور اعيونه
بعيونه ايعرفونه ...مكتوب اسمك بيها
اهوايه الذي نقذونه ...صدقنه ما همونه
وافين الك يدرونه ...بيعه ابدمه اموقعيها
الله علينه الشاهد ...و العشق رقمك واحد
ظل للأبد متصاعد ...أحبابك و تدريها
اضاءات اضاءات ...أنوارك امضوينه
صلوات صلوات... عالمصطفه هادينه
احروفك إذا نقراها ...مثل الشمس نلقاها
و القمر هم وياها ...اسمك ضوه بالظلمه
الحبك ابصدرك ضمّك ...بالبال عايش يمك
و الاسم مو مثل اسمك ...اسم ابنه باسمك سمّه
بينه تعيش احروفك ...و ابكل دقيقة انشوفك
ما نقدر احنه انعوفك ...هالعشق بينه يدمه
سماوات سماوات ... تشهد يطه اعلينه
و أصواتنه المسموعه ...خطينه لك موسوعه
وسط القلب مطبوعه ...و الحبر دمنه الجاري
تاريخ حبنه امسجله ...نبقه نضحي لجله
شخصك يغالي انجله ...مفعوله حبك ساري
ويه الدمه و جروانه ...الحبنه صرت عنوانه
سبحانه من سوانه ...و الكون كله داري
كرامات كرامات ... بالثانية اتراوينه
صلوات صلوات... عالمصطفه هادينه |
|
