» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد مرتضى السِندي - 14/05/2015م - 12:39 ص | عدد القراء: 1689



    هلوا  المدامع  من  دمه  و لطموا الصدر يا  شيعته
    موسه   بن   جعفر   عالجسر   و  امجفنيه   بعبايته

    باب   الحوائج   عالجسر   جابوه   حماميل   أربعه
    قوموا   يشيعه   انغسله   و   انجفنه   و    انشّيعه
    ايحق  له  الموالي  عالوجن  من  دم  يفكر   مدمعه
    والينه   بالسم   انجتل   و   السجن  مرّد   جبدته

    عود  الرضه  يا  حسرتي ابسجن العده قضه  العمر
    و  اقليبه  من  جور  الخصم  يا شيعته يلهب  جمر
    من  صُبر  قلبه  اعله المحن مل و جزع حته الصبر
    يالصوبك   سهم   الغرب  إخذ  العبر  من   غربته

    كاظم  اهمومه  و  محتسب  لجل  المبادئ و  القيم
    و  بصبره  و  بزهده  صبح نار و على هامة  علم
    و  اللي  تصّده  القتلته  عضعض  أصابيعه و  ندم
    نور   الله   ما  بين  البشر  أهل  الغدر  ما   طفّته

    أهل  الظلم  رادت  غدر تطفي ذكر عوده  الرضه
    و   ناده   المنادي   عالنعش  هذا  إمام   الرافضه
    و  قالوا  التهدئة  الوضع الكاظم حتف أنفه  قضه
    لاجن  إبن  سويد  ابوعي  للطاغي  أفشل  خطته

    جاب  الطبيب  و  كلفه يكشف على حال الولي
    جس  نبضه  و  بجفه  نظر قله و دمع عينه ايهلي
    هالرجل  بالسم  منغدر  وين  أهله  عنه  يا   علي
    فزّع   عمامه   تحضره   و  تطلب  بثاره  و   ديّته

    ضجّت  الوادم  بالبجه  و  اتزلزلت  أرض  و  سمه
    و  أشرف  سليمان  و  سمع نوح و مدامع  ساجمه
    و من نشد غلمانه اشجره قالوا له بن حامي الحمه
    بالسجن بالسم منجتل صاح امشوا شيلوا  اجنازته

    مسرع  قصد نعش الولي و شاله و دمع عينه  جره
    و   ناده   المنادي  يالتود  تحضه  ابكرامة   ظاهره
    احضر   جنازة   هالطهر   نسل   الأيمه   الطاهره
    هذا  الإمام  ابن  الإمام  صوبت  نفسي  امصيبته



    موقع القصائد الولائية © 2004 - 2013