» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر كرار حسين الكربلائي - 18/04/2015م - 2:47 م | عدد القراء: 2814



    سبع         الدجيل         اتعرفونه...غيرة         حيدر         بين         اعيونه
    ما       خاب       اليقصد      يم      بابه      ...عباس      الثاني       يسمونه

    سيد  محمد  اسم  بحروفه  هالة  نور  ...و  بسجل  أهل  المجد و أهل المجد  مذكور
    من  تزوره  ابحضرته  جن  بالجنان  اتزور  ...شأنه  يجبر  خاطرك يالخاطرك  مكسور
    يحمل      أوصاف      امن      أجداده      ...ما     يكسر     خاطر      وفاده
    طيب        بيدك       ينطي       امراده       ...عباس       الثاني        يسمونه

    جم عليل الأيّس و من علته ما طاب ...ياخذ امراده و يجي بس يوقف اعله الباب
    غيرته  غيرة  علي  لا  ما  يرد  طلاب...سفرة  الله اعله الأرض و اليعتني ما  خاب
    إخذ     اهمومك     و     اقصد     يمه...و     حلفه    ابجف    الكافل     عمه
    لو       تنشدني       و       رايد       اسمه      ...عباس      الثاني       يسمونه

    الكريم   إبن   الكريم   ابحيره  ميخليك...لو  قصدته  المرقده  من  مرقده   ايحييك
    سمعه  يا  أهلاً  و  سهلاً  زاير ايناديك...إن ردت و إن ما ردت بحر الكرم  ينطيك
    هذا        السيد       طيب       قلبه...و       بديوانه       اتهون        الصعبه
    لا      تخجل      و      اسجد      عالعتبه      ...عباس      الثاني       يسمونه

    جان  يحجي  للبشر  عن  محنة  الزهره  ...ماتت  أمي  فاطمه  من  شدة   العصره
    ويلي  يا  كسر  الضلع  ما  ينجبر  كسره ...ابصوت ضربوها ابمتنها بالجفن  سطره
    يتذكر        أمه        المالومه...يبجي        اعله        اضلوعي        المهشومه
    من        هالغيره       البيه       مرسومه       ...عباس       الثاني        يسمونه

    و  لو  تذكر  كربله  يطفح  بحر  همه  ...ايقول  جدي  امن  انذبح محد حضر  يمه
    الخيل ما خلت ضلع سالم لبو اليمه ...راسه رفعوه اعله الرمح و اعله الرمل  جسمه
    اشلون           لزينب           يسبوها...بحبال           اشلون           يجتفوها
    ما        يقبل        عمته       ايضربوها       ...عباس       الثاني        يسمونه

    جرّعوه  سم  و  انقطع  مثل  الحسن جبده ...و الإمام العسكري بيده حفر  لحده
    مثل  الحسين  انكسر  ظهره  على  فقده ...و ظلت اعيون الأخو تجري دمه  بعده
    مات      و      ظلت      وحشه      ادياره...يمته      الغايب     ياخذ      ثاره
    و      المهدي      الما      ندري      أخباره      ...عباس      الثاني      يسمونه



    موقع القصائد الولائية © 2004 - 2013