» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر كرار حسين الكربلائي - 20/03/2015م - 8:49 ص | عدد القراء: 22764



    اشجابج    الصوب    النهر    حاجيني...خوفي   لتموتين   يم    جفيني

    يا       زينب       يا       زينب       يا       زينب      يا       زينب

    امن   المخيم   ليش   وحدج   طالعه...من  يردج  و  الجفوف   امقطعه
    اشعندج   ابهالليل   يم  المشرعه  ...اعتاب  الج  لو  قصدج   اتشوفيني

    اتقله   جيت   الشوفتج  يا  كافلي...أرد  أخبرك  خبر  يا  غيرة   علي
    الخيمه   من   حرقوها   حرقوا   محملي...و  ذكريات  الهودج   اتبجيني

    مستحي   و   غطيت  وجهي  بالعلم...من  عباتج  أش  دخّان   الخيم
    ابعيني   خليه   لا   تطلعينه   السهم...حته  وحدج  ما  تشوفج   عيني

    فدوه    لعيونك   تروح   اعيوني...خوفي   تزعل   لو   قلت    ضربوني
    أرد    أراويلك    سواد    امتوني...و   باجر   اعداكم   نوت    تسبيني

    آه   يا   زينب  ششوف  ابعيني  آه...امن  السياط  امزقه  حته   العباه
    يا   خبر   سبيج   تره   لظهري   حناه...كافي   زينب   بعد   لتخبريني

    يالجنت  ما  تقبل  يمسني  الهوه  ...انت  جفك  و  العلم  طاحن  سوه
    و    آنه    جفي   بنار   الخيام   انجوه...بالمدامع   خمدت    اصواويني

    أرد  أسألج  و  أنتظر  منج  جواب...يعني  هسه اسكينه نامت عالتراب
    احجيلي  بعدي  من  حرس  رمله و رباب...منهو ظل يم الحرم  حاجيني

    اتقله شحجيلك أحس صوتي انخرس...خويه شفت املثم و صاعد فرس
    ايقلي  عقب  الكافلج  آنه  الحرس...اهنا  يبو  فاضل  لطمت   اجبيني



    موقع القصائد الولائية © 2004 - 2013