أضف الموضوع
الشاعر أبو علي الناصري - 20/03/2015م - 8:16 ص | عدد القراء: 1803
يحسين اجينه ابلوعه هالمسيه...انقدم تعازي برحلة الزجيه
جينه يا مولاي جايبنه الحنين...ابدمعة الأحزان و الهم معتنين
اليوم اجينه بباب بيتك يا حسين ...بفاطمه انعزيك و امصاب الجنين
أول شهيده و فاجعه و ضحيه...انقدم تعازي برحلة الزجيه
اشلون حالك سيدي بذاك المصاب...من شفت أمك هوت فوق التراب
اتصيح يا حيدر علي ضلعي انصاب ...اشلون قلبك عاش يا ساعة عذاب
يحسين و اتشاهدها عالوطيه...انقدم تعازي برحلة الزجيه
اشقلت من شفت اعله باب الدار نار...دفعوا الباب ابوضح ذاك النهار
لحقت أمك تلف يحسين الخمار...اشلون من طاحت صبر حامي الجار
و يستمع ونة فاطمه الخفيه...انقدم تعازي برحلة الزجيه
أرد أنشدك ياللي قلبك منصدع...بطيحت أمك هم شفت كسر الضلع
و فوق خدها شاهدت جاري الدمع...و لمن سطروها إجت ابيا وضع
من خذوا عودك حامي الحميه...انقدم تعازي برحلة الزجيه
أرد أنشدك يالشفت ضيم و محن ...اشلون جانت حالته اعله أم الحسن
ادموعك و دمعاته عالزهره جرن...الأرض و أملاك السمه اعليها بجن
لمصاب بضعة سيد البريه ...انقدم تعازي برحلة الزجيه
اشحال زينب لمن الزهره هوت...اشلون ركضت لأمها و اشلون انحنت
يا هو نشف دمعة اختك من بجت...وين ظلت عنها أمها من مشت
من خذت أمكم عنكم المنيه...انقدم تعازي برحلة الزجيه
اشلون قلبك سيدي اعليها انفجع...من دفنها المرتضه ووحده رجع
كل أمل من أمك الزهره انقطع...الليله يا مولاي جم قلب انفجع
شيعة علي مفجوعه هالمسيه...انقدم تعازي برحلة الزجيه |
|
