قوم    صيح    الثار    يا   مهدينه...و   من   ظلم   هذا   الوكت    نجينه قوم   صيح   الثار   يبن   الطاهره...و   قوم   ضلع   أمك   بإيدك   جبره و  ناشد  الزهره  اعله  الصار  و  جره  ...و صيح وينه الكسر ضلعج  وينه قوم  و  انصب  محكمه  بأرض  البقيع...ابيا  ذنب  قبر  أمك الزهره  يضيع قوم   و  اطلب  ثار  محسن  و  الرضيع...العادتك  حق  فاطمه   امضيعينه اسأل امن الباب يا جذم الوصل ...و خلي يحجي لك عله البضعه اشحصل و  بيدك  إصلبهم  على  جذع  النخل  ...و  إقطع الجف السطرها و  هينه قوم  و  انصب  محكمه  ابطف  كربله  ...و  بيها  أول  ما  تحاكم   حرمله طال    يوم    اغيابك    و   نتأمله   ...يمته   جدك   سيدي   اتقر   عينه قوم   يالمهدي  الوطن  جدك  تعال...ابذو  الفقارك  حاكم  أشباه   الرجال ليش  ظل  حسين  جثه  اعله  الرمال  ...و  حته  ناصر  ما  لقه  له  ايعينه قوم  بقعة  كربله  الثارك  تصيح  ...و  هذا  دم  حسين  لو  دمك   يسيح أروي   بدموعك   قلب  طفل  الذبيح  ...و  ليش  من  دم  رقبته   امروينه قوم  و  امسح  بيدك  ادموع  العراق...و  عله  قاع التضحيه اتسابق  سباق و  اصرخ  بأهل  الفتن  و  أهل  النفاق ...و روف جرحك لا تطول  اسنينه قوم   بالهم   شيعتك   تعتب   عليك...و  هذا  فقارك  تهاوه  ابين   ايديك كفرونه  و  جينه  جبنه  الشكوه  ليك...و  حاشه  ناسي  الثار  لو  ناسينه