» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر رحيم أبو عليوي - 11/01/2015م - 11:41 م | عدد القراء: 15714



    بشفافي        كلمات..        تهزني        مشاعرها
    يا     من     إلك     ذات..     عجيبة    مفاخرها
    إشراقة       قُدسية..       من       باب      الجنه
    هيبة            إلهية..            بيها            أتغنه

    أتضرع       لوجه       الله..       بيه        أتوسل
    يمنحني     بالحب     و     الجاه..    حتى     أتأمل
    عشق     الـْ     سحرني     بمعناه     رايد     أتوصل
    جوهر       عزته      ..      سره      و       هيبته
    ربي           يمكني...          أعرف           غايته
    أنظر       كراماته       ..و      أعرف       معناها
    و     أصغي     لمناجاته     ..و    أفهم     فحواها

    شفتك شمس ما تنكسف .. شفتك قمر ما ينخسف
    نورك  أبد  ما  ينعطف  ..  سرك صعب ما ينكشف
    من  بحرك  شما  أرتشف .. احساسي بيه ما  ينوصف
    يـَ     الحيرتني     بمعناك     ..    يا    أبو     الأكبر
    شما    أرد   أوصفك   ألقاك   ..   أكبر   و    أكبر
    يـَ   حسين   كل   الـْ   يهواك   ..   بـِ   اسمك   تحير

    تبقى      مساءك      للعين..     بالفخر     تسطع
    و   الـْ   ما   تشوفك   يـَ   حسين..   بالجهل    ترتع
    تلقه     بعد     مثلك     وين    ..طاهر     المرضع
    يا      سر      الفَلك      ..      محراب      الملك
    يا       وتر       المجد..       ثاني      ما       إلك
    بساق     العرش     نورك     ..و    بلوح     القدره
    و    حته    الـْ    يجي    يزورك..    يتشرف    قدره

    مو  حقها  ناس  الـ  حبتك  ..  تذوبها  شمة   تربتك
    تمشي  تحت  ظل رايتك .. بـْ أخطر ظرف ما  عافتك
    ترخص  مهجها لـْ خدمتك .. من يوصل لحد  ذروتك
    ذوبت    بالحب    قلوب    ..    يا   شبل   حيدر
    يا   أغلى   و   أعظم   محبوب   ..  منهلك   كوثر
    بالعرش     اسمك    مكتوب    ..    بأنواره     يزهر

    للثائرين         الأحرار         ..انت         كعبتها
    باسمك      بكل      الأدوار..      تبقى      هيبتها
    تاج    الفخر    انت    و    صار..    إلها     رتبتها
    صرخة    و   تستمر   ..   بكل   دور   و    عصر
    يا     أعظم     منهج     ..و    يا    أطهر     فكر
    بسوح     الشرف     انته..     عنوان     و     محور
    نهج     العدل     صنته..    يـَ    الـْ    ما     تتكرر

    بيك   الأمل  و  المرتجه  ..  منقذ  مثيلك  ما   إجه
    أفكارك       المتوهجه..د      العقول      الساذجه
    جدك  محمد  منهجه  ..  خطّيته  و كشفت  الدجه
    بسورة    عروس    القرآن    ..    كل   من   تدبر
    يلقاك     انت     المرجان    ..    هيبتك     جوهر
    شخصك     بكل     الازمان    ..لا    ما    تكرر



    موقع القصائد الولائية © 2004 - 2013