» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر علي طمّة الكربلائي - 17/12/2014م - 11:46 م | عدد القراء: 2398



    ما   نعوفك   يالولي...ما    نعوفك
    لا و حق حيدر علي... ما نعوفك

    احنه   أنصارك  يبن  حامي   الحمه
    ما   تهمنه   أفكار   سوده   وواهمه
    دمنه  ثوره  و  خلي  تشهد فاطمه
    تحت  جدمك  و  الله احنه  انقدمه
    ابهذا  حبنه  الأزلي...  ما   نعوفك

    ياللي   اسمك  عطر  بالشفه   يفوح
    اليوم    بيَّ    الأمل   للعالم    يلوح
    هذا   طفك   نقلبه   طوفان   نوح
    خلي  دمنه  يعزف  آيات   الجروح
    صرخة  الحق  تعتلي...  ما نعوفك

    انت  من  علمنه  و  انطانه   درس
    دمنه   هذا   اليوم   يتحول  شمس
    صار  نهجك درس للجن و  الإنس
    و  لازم  إندرسه لصحاب  الرجس
    و  الله  نوليهم  ولي...  ما  نعوفك

    باب جانت وحده للعز و  الضمان
    و  انت جم باب افتحتهن  للجنان
    ما  يفرق  أي  مكان  و كل  زمان
    بس  شرط  ما نقبل الذل و  الهوان
    يا  حياتي  و  أملي...  ما   نعوفك

    صوت  وحي  السمه هالليله  ارتفع
    قوم   قلهم   جفك   الخيبر   قلع
    جعفر    الطيار   من   قبره   طلع
    هذا   حمزه  عمي  قل  إلهم   رجع

    ينكشف   هاليوم   لازم   ينكشف
    كل  جبان و كل شهم هم  ينعرف
    و  اللي  جايه  اتريد عنك  ننحرف
    انرد  الهم  بإسم  الزجيه  ابهالوصف



    موقع القصائد الولائية © 2004 - 2013