أضف الموضوع
الشاعر علي طمّه الكربلائي - 17/12/2014م - 11:36 م | عدد القراء: 1907
أنصار العقيده ...و هذا مبدأنه
للظالم نبيده ...و نرخصه الدمنه
نهج العداله ايدوم ...و الشاهد القيوم
للظالم نبيده ...و نرخصه الدمنه
درسنه احنه العقيده بمدرسة حيدر
إنتظرنه اهواي حته الثوره تتفجر
إجه يوم اللي ناخذ ثار المطبّر
و آيات العهود الليله تتفسر
جينه ابمفخره ...و حسين نادانه
سبع القنطره ...هاليوم ويانه
أرواح نفدي اليوم ...و الشاهد القيوم
للظالم نبيده ...و نرخصه الدمنه
قوافلها ألوف الليله تتعنه
سيوف إلنه بدماها اليوم تتهنه
و سيف الينزل اعله الهامه بيه رنه
نحرمهم و حقك من هوه الجنه
عشاقك تنصرك ...يا أبو اليمه
و الرايد يغدرك ...نغسله ابدمه
نفدي إحنه إدموم ...و الشاهد القيوم
للظالم نبيده ...و نرخصه الدمنه
إجت لحسين تتباهه بقوافلها
سحق تحت الجدم نسحق جحافلها
نخطف لك عمرها من نقابلها
و تسمع أثر نوح ابكل منازلها
ميدان الشهاده ... ايريد موقفنه
و حسين إلنه ناده ... ابصوته شرفنه
يا نصرة المعصوم ...و الشاهد القيوم
للظالم نبيده ...و نرخصه الدمنه
صرخات النشامه ابحرقه رفعتها
ضربات السيوف السمه سمعتها
من دمهم صور عالغبره طبعتها
و إجدور الظلم امن الساس قلعتها
صفينك نعيده ...و انت تعرفنه
و نكتب عالوريده ... فنها تحرفنه
فدوه إحنه للمظلوم ...و الشاهد القيوم
للظالم نبيده ...و نرخصه الدمنه
هاي أنصار صالت هم بعد و اتزيد
و حزت روس أميه و كل عبيد ايزيد
و كل دم طاح هاي الثوره منه إتريد
يسطع مشعل الأحرار من اجديد |
|
