» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر زيد علي العبنّدي - 25/11/2014م - 9:27 م | عدد القراء: 3629



    دخيلك  لا  تعذبني  ...ابفرقتك يا علي  الأكبر

    أشوفك  يا  بدر دنياي نويت اعله الحرب  تطلع
    تريد   اليوم   أودعنك   القلب   وشلون   يتودع
    إذا   ناوي   تفارقني   إخذي   اوياك   للمصرع
    يبني   و   لا   تصبرني   على  فرقاك  ما   أقدر

    عليك  اعيوني  مشبوحه  و  لا  عنك غفل  بالي
    أشوفك  تسرج  الميمون صور جتلك تجي إقبالي
    مكانك مو حرب و اسيوف مكانك قلبي يالغالي
    تعال   و   اسكن  ابقلبي  و  لا  تتركني   أتمرمر

    مثل   موج   المحيط  اتموج  دمعاتي  على   خدي
    و  هذي  جمرة افراقك تشب ما تنطفي  ابجبدي
    إذا  تطلع  يموت  حسين بعد منهو اليظل عندي
    احتضر  يبني  أبوك  و  شوف  لون  الوالد  اتغير

    دخيلك  يا  علي  و أرجاك إرحم عيني و  العبره
    ما  أقدر  أصد  جسمك  إذا  يوقع  عله  الغبره
    سيوف   القوم   تتولاك  و  الطبره  عله   الطبره
    وجهك  وجه  أبو  الزهراء  عجيبه اشلون  يتعفر

    تروح   الساحة  الميدان  ظامي  و  يغدرك   ظالم
    يحملك  يبني  للصيوان  أبو  اليمه و قمر  هاشم
    مثل   هالحال   يوليدي   يحملن   جثة   الجاسم
    و  آنا  و  رمله  يالغالي  نون  لو  شفنه  هالمنظر



    موقع القصائد الولائية © 2004 - 2013