من   هامتي   من   هامتي...يا   يمه   صارت    حنتي يا  يمه  وصاني  الحسن...لو  شفت  عمي  ابلا  وطن بين     العساكر    مرتهن...للسيف    أقدم     رقبتي وصاني   و   اليوم   الوعد...هذا  الحسين  ابلا  سند لازم    أوفي    بالوعد...و    بدمي   أكتب    قصتي انزلت الحرب ضامي القلب...شفت العساكر تتضرب و   اتحيرت  وين  الدرب...حين  اللي  شافت   همتي واجهت  جيش  ابلا  عدد...صامد  و لا قلبي ارتعد بس  عزمي  يا  يمه  انضهد...لن العطش فت مهجتي من  العطش  جبدي  امرده...حان  الوعد  ويه  الرده غدرتني   يا   يمه   العده...و   الأزدي   طبّر   هامتي ما    مثلي   بالدنيه   فته...عالموت   صارت    زفته و   بدمه   صارت   حنته...يا   لوعه   تشبه   لوعتي ذكريني   يمه   ابكل   وكت...بالدم   تراني   اتخضبت فوق   التراب   اتوسدت...و   القوم   وذرت   جثتي جسمي  عله  الغبره  انطرح...ذكريني  لو شفتي  فرح قولي   إبني   بالزفه   إنذبح...و   القوم  طفوا  شمعتي