أضف الموضوع
الشاعر ميرزا عادل أشكناني - 21/11/2014م - 10:58 م | عدد القراء: 5102
آه يا ناعي البين...آه وين إبني حسين
هداك الله يهالناعي عليمن دارت الأقدار
و يا هو ابكربله مرمي و راسه اعله القنه يندار
أخافن تقصد إبني حسين انغدر و أدري الزمن غدار
يناعي اشصار ..قاصدني امنين...آه وين إبني حسين
التفت عالوادم و ناده أظنها الحره مذهونه
أقلها حسينكم ذبحوه تقلي حسينه اشلونه
عرفها أم البنين و قام ينشف دمعة اعيونه
و بجه ابهونه ..آه لتنشف العين...آه وين إبني حسين
يقلها لزمي قلبج زين و بالج تخمد أنفاسج
إنذبح عباس يم عباس ووياه أهلج و ناسج
و جفينه اللي بيهم زود و قعد من طاح عباسج
البقه براسج.. آه فدوه الجفين ...آه وين إبني حسين
و إذا اتنشديني عن حسين سمعي إجواب هالنشده
بقه ابجمر الترب مطروح و ذاب من الشمس خده
و عقب رحلة سبي للشام رجع ظعن الأهل بعده
الوطن جده.. آه جا زينب وين...آه وين إبني حسين
أويلي اعليج يا زينب اشايف قلبج و شايل
طلعت و ظهرج العباس و رجعتي لي ابظهر مايل
و أحلفج يالعقيله ابهاي أخاف امقصر الكافل
أبو فاضل ..آه وفاني الدَّين...آه وين إبني حسين |
|
