» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد سعيد الصافي الرميثي - 18/11/2014م - 9:31 م | عدد القراء: 2421



    هاي              الغريبه              الحزينه              الأسيره
    بالشام              إسمها              العقيله              الأميره
    زينب                   قبرها...يضوي                   ابصبرها

    عن    زينب    الحوراء    تتحدث    الأنباء    تشرح     قيمها
    زينة    علي    الكرار    و   المصطفه   المختار   مختار    إسمها
    إشما    مرت    الأيام    تبقه    إبسماء   الشام   لامع   نجمها
    ورثت  حزن  و  امصاب  من الضلع و الباب من طيحت  أمها
    طفله  بعد  هي و تناثر دمعها...من شافت أمها تصوب  ضلعها
    من            أول            عمرها...يضوي           ابصبرها

    ضعن   القبل   محشوم   سار   إبحزن   مهضوم   غايب   كفيله
    رغم   الدرب   لو   طال   أتحده   كلمن  قال  راحت   دليله
    مهيوبه   إخت  عباس  كل  واحد  من  الناس  ما  تشتكي   له
    وصاها   خوها   حسين   من  بعده  يعرف  زين  دور   العقيله
    بالكوفه فضحت جذب آل أميه ...يوم اللي قالوا سبايه أجنبيه
    موقف                  نصرها...يضوي                  ابصبرها

    ما   ننكر   المعقول   راحت   سبيه   إنقول   حرمه   و   غريبه
    ما   ظن   عليها   إيهون   عافت  إخوها  إشلون  جثه   سليبه
    منها   الصبر   مطلوب   و  هيه  بقلب  مصيوب  يسعر   لهيبه
    خافت   يتيم   إيطيح   راح  الكفيل  إتصيح  و  إمنين   أجيبه
    عباس  إخوها اليباري الضعينه...عالشاطي قطعوا يساره و  يمينه
    عافت                  قمرها...يضوي                  ابصبرها

    متكلفه   تحمي   إعيال   تسمع   صريخ   أطفال  والينه   وينه
    و   راس   الإخو   المقطوع  فوق  الرمح  مرفوع  يبره  الضعينه
    زينب   هضمها   البين   طول  الطريق  حسين  مشبوحه   عينه
    ما   تدري   وين   إتروح   إخته   بقلب   مجروح  هايج   حنينه
    مسبيه  تطوي  الدروب  البعيده...عباس  إخوها الكفلها  تريده
    يربي                   نظرها...يضوي                    ابصبرها

    يا   من   جبتها   إوياك   يا  با  الفضل  تنخاك  إختك   ولوها
    عنك   يطيب   الذات   شتجاوب   الشمات   لو    ناشدوها
    يا   صاحب   الوجدان   ما   وقفت   إبديوان   زينب    يخوها
    يجرحها    لمن    راد    و    إتجاسر   إبن   إزياد   شتم    أبوها
    هاي  النجيبه  الأصيله  إبنسبها...يا وسفه فاسق تجاسر  يسبها
    هاي                  القدرها...يضوي                  ابصبرها

    يا   فرحة   الظلام   من   دخلت   أرض  الشام  زينب   سبيه
    بت   صاحب   الكلفات   لنها   بخرابه   إتبات   ديج   المسيه
    و   الصعبه   يا   مظلوم   من   فزت  من  النوم  تصرخ   رقيه
    يا    بويه    تصرخ    وين   رايح   ينور   العين   غايب    عليه
    دمع  الدموع  المصابك  تهلها...لمن  طفاها  إعله راسك  أجلها
    و            أصبح           ذكرها...يضوي            ابصبرها

    عن   زينب   يسألون   بعد   المصاب   إشلون   صارت   أميره
    قطعت   طريق   إبعيد  من  دخلت  إعله  إيزيد  جانت  أسيره
    من    قدمت   قربان   نالت   رضه   الرحمان   يهل    البصيره
    و     بنصرة     الجبار     كلما    تمر    أدوار    الله    نصيره
    تارك  صبرها  إبمتنها  علامه  ...و  من  الله هاي الإماره  كرامه
    موقع                  فخرها...يضوي                   ابصبرها



    موقع القصائد الولائية © 2004 - 2013