» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر حسين العامري - 30/10/2014م - 11:30 ص | عدد القراء: 2235



    قصه  و  رايد  ابعاشور  ابصوت الفاجعه  أرويها
    عن  أم  القمر  عباس  ميقدر  كل  شي يوفيها

    إبن  حذلم  ينادي  ابصوت  دار  الدهر  دولابه
    و إلتمت تنادي الناس و صوت الريح جن جابه
    و  صاحت  حرمه  واويلاه آه يحسين و  إمصابه
    صوت  أم  الوفه  اينادي...حز  النحر   بفادي
    ذبحوا                 آية                  الهادي
    و   صاحت  بالحزن  يحسين  لا  ترحل   يواليها

    وصلت  زينب  ابهالحال و إدموع الحزن  لاحت
    لا  تبجين  يم  عباس  وونت  زينب و  صاحت
    و  أم  عباس  بالأحزان  يم  الحره  جن   راحت
    يم   الخدر   حاجيني...و  عن  حسين   خبريني
    دربه                  امنين                 دليني
    العين   الما   تشوف  حسين  إي  لازم   أطفيها

    صاحت   يمه   لا   تبجين  يا  أم  الوفه   كافي
    عذبتيني     بدموعج     مثلج     محد     يوافي
    يم   عباس  شوفيني  و  شوفي  الصوت   بجتافي
    نادتها   بدموع   العين...مات   حسين   لتقولين
    عدل        قلي       لي       رد        حسين
    من   أسمع   خبر  ميت  المدينه  ما  أطب  ليها

    صاحت  عونج  و  جعفر  ظلت  عيني  تنعاهم
    قتلوا    يمه    عبدالله    ثالث   ولدج    اوياهم
    و  رابعهم  قمر  عدنان  البطل  عباس  مولاهم
    صاحت  ولدي اخليهم...فدوه النحره  أفديهم
    ما           أريد           النفس           بيهم
    خبريني  اعله  روح  حسين  ماتت لو نفس  بيها



    موقع القصائد الولائية © 2004 - 2013